Almatyda el Prezıdentiniń Jastar jylyn jarıa etýi qarsańynda «Nur Otan» partıasy qalalyq fılıalynyń tóraǵasy Baýyrjan Baıbek birlestiktiń jańa múshelerine partıa bıletterin tapsyrdy, olardyń arasynda densaýlyq saqtaý, mádenıet salalary men bıznestiń, sporttyń jas ókilderi bar. Dál sol kúni Almaty ákimi «Nur Otan» partıasy qalalyq fılıalynyń jańarǵan qoǵamdyq qabyldaýyn kórdi.

«Kez kelgen qala, kez kelgen el halyqtan quralady. Almaty degenimiz ne? Bul úıler, jol aıryqtary emes, adamdar. «Nur Otan» partıasy týraly da osylaı aıtýǵa bolady. Partıa - bul múddelester komandasy. Búginnen bastap sizder Prezıdentimizdiń seriktesisizder. Bizdiń barlyq jetistikterimiz Memleket basshysynyń, «Nur Otan» partıasy Tóraǵasynyń esimimen tikeleı baılanysty. Elbasynyń kemeńger saıasaty arqasynda partıa 20 jyl ishinde elimizdiń ekonomıkalyq jáne áleýmettik damýyna zor úles qosty. Partıanyń saıası Doktrınasyna sáıkes bizdiń basty qaǵıdamyz - ashyqtyq. Sondyqtan biz azamattardyń túrli problemalaryn sheshýdiń tıimdi ári ashyq mehanızmi bolyp tabylatyn qoǵamdyq qabyldaýdy odan ári damyta beremiz», - dep atap ótti Baýyrjan Baıbek.

Partıaǵa múshe bolǵandardyń arasynda «Qazaqstannyń 100 jańa tulǵasy» jobasynyń jeńimpazy, dáriger-kardıohırýrg ári «Bolashaq» baǵdarlamasynyń túlegi Berkin Turqulov, shahmatshy Jansaıa Ábdimálik, nanotehnologıa jáne nanomaterıaldar doktory, Ál-Farabı atyndaǵy QazUÝ-niń oqytýshysy Gaýhar Symaǵulova, olımpıada chempıony Dmıtrıı Balandın, ónertapqysh Aıbek Rahım, jas kásipker Aqylbek Aqqaıyr, jýrnalıser Oksana Dracheva men Nurgúl Asanova, jas sýretshiler ortalyǵynyń jetekshisi Krıstına Bekmurzaeva bar.