«Biz táýelsizdikti aqylmen, ata-baba jolymen aldyq”.  Bul Qazaqstan Prezıdenti Nursultan Nazarbaevtyń sózi. Rasynda da táýelsizdik aldyq, endi ony baıandy etip kelemiz. Sodan beri 27 jyl ótti. Keshegi keńestik júıeden táýelsizdik formasıasyna ótken sheneýnikter búginge deıin ákim, mınıstr bolyp atqarýshy qyzmette jumys istep keldi. Olardyń birazy zeınetkerlikke ketti, ekinshileri áli – ákim, qalǵany –parlamentte, senatta da otyr. Memlekettik basqarý qyzmetinde aǵa býynnyń dástúrin keıingi urpaq jalǵady. Olardyń ózi táýelsizdik alǵan tusta 20-25-tegi jigitter bolsa, olardyń jasynyń ózi qazir 40-50-ge kelip qaldy. Mine aqylmen alǵan táýelsizdikti baıandy etetin de –osylar. Árıne derbestigimizdiń nyǵaıýyna barlyǵynyń da kómegi tıdi. Olardyń barlyǵyn da sóz ete berý múmkin emes te shyǵar. Biraq  táýelsizdik merekesi tusynda biz qazirdiń ózinde saıasatta salmaǵy bar, birneshe orta býyn ókilin sóz etpekpiz. Sonymen, olar kimder?

Dáýren Abaea, Aqparat jáne komýnıkasıa mınıstri

Tanystyryp jatýdyń ózi artyq. Bıliktiń barlyq saıası mansabynan ótken jigit. Syrtqy ister mınıstrliginiń baspasóz qyzmetin basqardy. Prezıdent ákimshiliginiń baspasóz hatshysy, Elbasynyń keńesshisi de boldy. Al qazirgi qyzmeti onyń bar múmkindigi men qabiletin burynǵydan da ashty dese de bolady. Jýrnalıserden qashatyn sheneýnikter bolady. Abaev ondaı emes. Kez kelgen saýalǵa  salmaqty jaýap beredi. Máseleni uǵyndyra túsindirip bere alady. Bizdiń kóp mınıstrlerge osy jaǵy jetispeı jatady. Abaevty  jurtshylyq óte ashyq ári demokrat mınıstr retinde baǵalaıdy.

Máýlen Áshimbaev, «NurOtan» partıasy tóraǵasynyń birinshi orynbasary

Ol – tekti áýlettiń tuıaǵy. Uzaq jyl Prezıdent ákimshiliginiń Qaýipsizdik keńesi ortalyǵynda jumys istep, sonda jetekshilik qyzmet atqarǵan tulǵa. Ol Qazaqstan Respýblıkasy Prezıdenti janyndaǵy Strategıalyq zertteýler ınstıtýtynyń dırektory, Qaýipsizdik keńesi hatshysynyń orynbasary, Prezıdenti Ákimshiligi basshysynyń orynbasary boldy. Myqty qyzmetterdi atqarǵan ol arasynda Májilistiń Halyqaralyq ister, qorǵanys jáne qaýipsizdik komıtetiniń tóraǵasy boldy. Qazaq, orys, aǵylshyn tilderinde erkin sóıleıtin qaıratker azamat qazir «NurOtanda» uıymdastyrýshylyq  qabiletin aıryqsha kórsetýde. Prezıdenttiń tapsyrmasyn oryndaýda jetekshi partıa elimizdegi negizgi saıası uıymǵa aınaldy. Qazir «NurOtannyń» aralaspaıtyn salasy joq. Bul iste búginde Máýlen Saǵatulynyń eńbegi eren. Demek  artynan eshqashan sóz ermegen, jumysta taza jáne adal oryndaıtyn Máýlen Áshimbaevtyń  áli de áleýeti mol. Nazarbaev partıasynyń birinshi orynbasary bolǵan  qaıratkerlerdiń barlyǵy da saıası qyzmette óz ornyn tapqandar jáne bolashaqta myqty jerge baratyndar dep nyq boljam jasaýǵa bolady.

Baýyrjan Baıbek Almaty qalasynyń ákimi

Ol da – «Bolashaq» baǵdarlamasynyń túlegi. «NurOtannan» Almatyǵa ákim bolyp keldi. Alǵashqyda onyń basqarýshylyq qyzmetine kúmánmen qaraǵandar da bolǵan. «Buryn basqarýshylyq qyzmette bolmaǵan jas bala» degender kezdesti. Baýyrjan Qadyrǵalıuly ákim bolǵanyna birneshe jyl ótpeı jatyp-aq kúmándi joıdy, tumandy seıiltti. Almaty qazir taza, serýen quratyn júrginshilerge arnalǵan arnaıy joly bar shyraıly shaharǵa aınaldy. Prezıdent ákimshiliginde júrgende álemdik anımasıalyq fılmderdiń jaýharlaryn qazaqsha sóıletken bala búgin ońtústik astanada  osal emestigin dáleldedi. Almaty kórkeıe bastady. Jerasty ótkelderi ádemi, ajarly keıipke endi, ulttyń sazdy áýeni oınap turady. Aldaǵy eki jylda rýhanı jańǵyrý aıasynda Boraldaı saq qorǵany mýzeıi men basqa da aıshyqty jobalar iske qosylady. Baıbek kelgeli shyraıly shahar jańǵyryp jatyr. Almaty  mıllıon týrıser keletin qalaǵa aınalmaq.

Arman Qyryqbaev, Almaty qalasy ákiminiń orynbasary

«NurOtanda» júrgende de Baıbekpen birge bolǵan Arman Qyryqbaev qazir Almatyda ulttyq jobalardyń utymdy jarasym tabýyna umylysyn baıqatýda. Aldaǵy eki-úsh jylda Baıbek pen Qyryqbaevtyń qarymdy nátıjeleri  óz nátıjesin beretinine bek senemiz.

Jeńis Qasymbek, Qazaqstan Respýblıkasy Investısıalar jáne damý mınıstri

Bul qyzmetke ábden ysylyp baryp mınıstr bolǵan Qasymbekovtyń neizgi mamandyǵy sáýletshi-dızaıner. Ekinshi mamandyǵy –ekonomıs-menedjer. Kólik jáne komýnıkasıa vıse-mınıstri, mınıstr jáne osy mınıstrliktiń jaýapty hatshysy boldy. Qazirgi qyzmetine deıin atalǵan mınıstrlikte vıse-mınıstr bolyp istedi. Ol Qazaqstanǵa ınvestısıa tartýda orasan zor úles qosqan azamat. El ekonomıkasynyń ósýi men óndiristi órkendetý máselesi qazir dál osy Qasymbektiń qaryshty qadamyna baılanysty bolyp otyr. Onyń bul saladaǵy eńbegi esh ketken joq. Prezıdenttiń «Nurly jer», « «Nurly jol», «7-20-25» memlekettik baǵdarlamasynyń oryndalýy men onyń jaı-japsarynyń halyqqa túsindirilýi tikeleı Jeńis Mahmutulynyń mansaptyq laýazymymen tikeleı baılanysty. Sondyqtan salmaqty salany basqaryp otyrǵan Jeńis Qasymbektiń saıası qyzmettegi jeńisti joldary áli jalǵasa beredi  dep bilemiz.

Darhan Qaletaev, Din isteri jáne azamattyq qoǵam mınıstri

Negizgi mamandyǵy – tarıhshy. Biraq saıası qyzmettegi mansabyna nazar aýdarsaq, beldi qyzmette bolǵanyn kóremiz. Onyń únemi jetekshi salany basqaryp kele jatqanyn eskersek, Qaletaevtyń qadamy áli uzaı túsedi. Arasynda «Samuryq-Qazynaǵa» baryp, atqarýshy qyzmetin de atqaryp qaıtty. Tipti birer jyldan astam ýaqyt boıy elimizdegi jetekshi partıa «NurOtan» tóraǵasynyń birinshi orynbasary da boldy. Odan keıin Senatqa bardy. Qazir - mınıstr. Din salasy negizgi orynǵa shyǵyp, ártúrli aǵymnyń arynan basý  kerek  bop turǵan sátte qurylǵan mınıstrlikti basqarǵan Qaletaev  qazir nátıjeli jumystar júrgizýde. Jalpy bul  mınıstrlik óz mısıasyn ótegennen keıin taratylýy da múmkin. Biraq qashanda jeldiń ótinde júretin Qaletaev jumyssyz qalmaıdy. Óıtkeni onda tájirıbe mol. Prezıdent ákimshiliginde uzaq ýaqyt jumys istegen Qaletaevtyń bılik baspaldaǵy tómendemeıtinine biz senemiz.

Altaı Kólginov, Batys Qazaqstan oblysynyń ákimi

«Bolashaq» baǵdarlamasy boıynsha Ulybrıtanıanyń Aberdın ýnıversıtetin bitirgen. Oǵan deıin birneshe joǵary oqý ornyn aıaqtaǵan Kólginov qyzmetinde kásiptik salany da basqaryp kórgen. Saıası mansabynda birneshe jyl Prezıdent ákimshiliginde jumys istep, sońǵy 6-7 jylda biryńǵaı Batys Qazaqstanda ákimshilik qyzmetti basqaryp kele jatqan ol bul óńirdiń jaǵdaıyn óte jaqsy biledi. Aımaqtyń damýynda aıryqsha menedjerlik qasıetin kórsetip kele jatqan Altaı Seıdiruly týraly jyly lebiz kóp. Demek jurtshylyqtyń kózqarasynda jaǵymdy sıpat qaldyrǵan ákim áli de áleýetin kórsetýge múmkindigi mol.

Maqsat Ysqaqov, Batys Qazaqstan oblysy ákiminiń orynbasary

Maqsat ta – «Bolashaq» baǵdarlamasynyń túlegi. Shetelde oqyp, qazir batys aımaqta  qyzmet etip júrgen ol bas prokýrordyń kómekshisi boldy. Til komıtetiniń tóraǵasy bolyp turǵan kezinde «Bolashaq» baǵdarlamasynyń 20 jyldyq kezdesýinde kósile sóz sóılep, Prezıdenttiń aldynda kózge tústi. Birqatar elektrondyq buqaralyq aqparat quraldary Maqsat Ysqaqovty Qazaqstanda eń sheber  sóıleıtin on sheneýniktiń kóshbasshysy retinde tanydy. Ol «sheshen sheneýnik» ataǵyn da aldy. Demek, saıası mansaptaǵy onyń kóleshegi áli de alda dep oılaımyz.

Jaqsylyq Muqashuly Omar, Óskemen qalasynyń ákimi

Alǵashynda Aqparat mınıstrliginde  istep, sonan keıin «Arna medıa» holdıńinde bolǵan jigittiń qalǵan saıası joly memlekettik qyzmette ótken. Arasynda ol Almaty oblysy ákiminiń orynbasary bolyp ta qyzmet istep úlgergen. Jýrnalıser  jaǵymdy sıpattaǵy sheneýnik retinde sanaıtyn Muqashulynyń mansaby negizinen Kendi Altaı ómirinde ótken desek te bolady. Almaty oblysynda ákimniń orynbasary bolyp júrgen tusta áleýmettik jelide aımaqtyń jańalyqtaryn udaıy berip otyrǵan Jaqsylyqta shynynda jańashyldyq bar. Ony joqqa shyǵara almaımyz. Úsharalda týyp, Kendi Altaıda memlekettik laýazymdyq mansabyn jasaǵan jigittiń joly jeńisti bolaryna kúmán joq.

***
Biz qazirgi ýaqytta táýelsizdigimizdi baıandy etýde bastamalarymen kózge túsip, áleýmetke óziniń áleýetin kórsetip bılikte júrgen jetpisinshi jylǵylardyń birshamasyn ǵana sóz ettik.  Basqalar da bar. Bóle jardy deýge bolmas. Tek ult úshin utymdy ister kóbirek jasalsa deımiz...