Jedelsaty da kúndelikti tynys-tirshiligimizdiń bir bólshegine aınaldy. Ásirese, kópqabatty turǵyn úılerde turatyn qart kisilerge, bala-shaǵa úshin, jumysqa asyqqan adamdarǵa da óte kerek. Lıft qyzmetine qaltamyzdan aı saıyn aqsha tóleıtindikten, onyń qyzmetiniń de sapaly bolǵanyn qalaımyz.

Komýnaldyq qyzmetter sapasyn jaqsartý jáne onyń tıimdiligin  arttyryp, ashyq bolýyn qamtamasyz etý maq­satynda atqarylǵan jumystar nátıjesinde Almaty qalalyq Turǵyn úı jáne turǵyn úı ınspeksıasy basqarmasy men turǵyn úılerdegi lıft qyzmetin usynatyn servıstik kompa­nıalar arasynda ózara árip­testik týraly memorandýmǵa qol qoıyldy.

Sonymen qatar, osy memo­randým aıasynda shahardaǵy je­delsatylardyń 80%-dan astamyn qamtamasyz etip otyrǵan «Alma­tylıft», «Lıft-qyzmet Servıs», «Lıft-kompleks», «Lıftınvest», «KazliftStade» jáne «Qazlıft-montaj» syndy jaýapkershiligi shekteýli seriktestikter osy jyldyń jeltoqsan aıynan bastap tarıfti 8,5%-ǵa tómendetý týraly mindetteme qabyldady. Osy oraıda aıta keteıik, jaýap­ty mamandar qyzmet kórsetý sapasy eshqandaı tómendemeıdi dep otyr.

Búgingi tańda Almaty qalasy boıynsha 4 myńnan astam jedel­saty bar. Turǵyn úı basqarmasy ókilderiniń aıtýynsha, qalada turǵyn úı-kommýnaldyq sharýa­shylyq salasyn jańǵyrtý boıyn­sha keshendi jumystar atqa­rylý­da. Mysaly, osy  másele turǵy­synda aıtar bolsaq, sońǵy  úsh jylda tozyǵy jetken 512 lıft aýystyrylǵan.