«Halyqqa arnalǵan úkimet» memlekettik korporasıasynyń basshysy Abylaıhan Ospanovtyń aıtýynsha, jańadan ashylǵan eki mamandandyrylǵan Halyqqa qyzmet kórsetý ortalyǵy Naýryzbaı jáne Jetisý aýdandarynda ornalasqan.
Naýryzbaı aýdanyndaǵy HQKO Shuǵyla kóshesi, 222/2 meken-jaıynda ornalasqan. Al Jetisý aýdany aýmaǵyndaǵy HQKO «Qulager» shaǵynaýdanyndaǵy Serikov kóshesi, 6A meken-jaıynda ashyldy.
Al buǵan deıingi ashylǵan Halyqqa qyzmet kórsetý ortalyǵy «Saıaly» shaǵynaýdanyndaǵy Aqqaınar, 1 kóshesindegi meken-jaıda bolsa, ekinshisi Maılın kóshesi, 85 úıde ornalasqan.
Sonymen qatar, A.Ospanov óz sózinde kólikti tirkeýge baılanysty qyzmet pen júrgizýshi kýáligin aýystyrý qyzmetteri endi qazaqstandyqtarǵa onlaın rejımde de qoljetimdi ekenin aıtyp ótti.
Búgingi kúni elektrondyq portal arqyly kólikti tirkeý boıynsha 3 myńnan asa qyzmet kórsetilse, Almaty boıynsha 550, al júrgizýshi kýáligin aýystyrýǵa baılanysty 13 myńnan asa qyzmet kórsetilgen. Onyń ishinde 1765 qyzmet Almatyǵa tıesili.
