Almaly aýdany ákiminiń apparatynyń uıymdastyrýymen Týrızm jáne qonaqjaılyq ındýstrıasy koleji jáne Almaly aýdanynyń múgedekter qoǵamy birlesip, Almaly aýdanynda turatyn múmkindigi shekteýli jandarǵa Almaty mýzeıi jáne Halyq aspaptary mýzeılerinde «Múgedekter kúnine oraı» múmkindigi shekteýli jandarǵa kóterińki  kóńil syılaý, izgilik pen meıirimdilikti nasıhattaý, muqtaj jandarǵa qaıyrymdylyq jasaý arqyly rýhanı qundylyqtardyń  mańyzdylyǵyn ashyp kórsetý  maqsatynda ekskýrsıa uıymdastyryldy.

Atalmysh  is-sharada  Almaty mýzeıinde  qazaq etnografıasynyń biregeı jınaǵy men  sondaı-aq,  qazirde  Almatyda turatyn halyqtar ókilderiniń etnografıasy, ártúrli dáýirler men mádenıeter turmystyq zattarynyń kolleksııalaryn tamashalaýmen qosa, mádenı jáne tabıǵı landshaft saqtalǵan «Boraldaı saq obalary» patshalardy jerleý keshenderimen tanysýynan bastaý aldy. Ulttyq mádenıetimizdiń máıegi Halyq aspaptary mýzeıine saıahat jasaý men jalǵasyn taýyp,  sáýleti kelisken ásem ǵımaratta ornalasqan mýzeıdiń qundy jádigerleri men tanysý múmkindigine ıe boldy. 

Mýzeıde sonaý este joq eski kúnderden kele jatqan baqsy- balgerler tutynǵan jádigerlerden bastap, jyrshy, ánshi, kúıshi kompozıtorlar usynǵan mýzykalyq aspaptar- qobyz, dombyra, syrnaı, sybyzǵylardyń qorymen tanysty. Bul múgedek jandardyń úlken qyzyǵýshylyǵyn týǵyzyp erekshe áserge bóledi.