2018 jyldyń 14 jeltoqsanynda Jetisý aýdany ákiminiń apparatynda Qazaqstan Respýblıkasynyń Táýelsizdik kúnine arnalǵan saltanatty is-shara uıymdastyryldy. Baǵdarlama QR memlekettik týyn ákelýmen ashyldy, sodan keıin memlekettik gımn oryndaldy. Jetisý aýdanynyń ákimi M.İ.Tajıbaev pen Almaty qalasy máslıhatynyń depýtaty A.Q.Chılıkbaev kelgen qatysýshylardy quttyqtap, marapattaý rásimin ótkizdi.
Respýblıkanyń mańyzdy meıramy qarsańynda kópbalaly analar «Altyn alqa», «Kúmis alqa» belgilerimen marapattaldy. Istomına N.A. «Altyn alqa», Amreeva J.M., Jumabaeva Q.J., Apsaeva Q.R., Shalataeva J.J., «Kúmis alqa» aldy.
Sonymen qatar, aýdannyń áleýmettik-ekonomıkalyq damýyna qosqan eleýli úlesteri úshin birqatar adamdarǵa ákimniń qurmet gramotalary berildi: «Asfáltobeton» JSHS-niń bas dırektory – Islamov V.A., «Kelet» AQ-nyń prezıdenti – Papp A.A., «AvtoınvestFond» «Vıraj» avtosalon dırektory – Balagýta I.P., «Aǵaıyn» kesheniniń dırektory – Kýrmankýlova G.J., «Baısat» JSHS-niń dırektory – Efendı Kemal, «Maksıma» OSK dırektory – Fedorov R.V., aýdannyń memlekettik zeınetaqy tóleý ortalyǵynyń dırektory – Bazıkenova K.Ý.
Saltanatty marapattaý rásiminen soń QR eńbek sińirgen qaıratkeri, ánshi, kompozıtor, Chaıkovskıı atyndaǵy Almaty mýzykalyq kolejiniń dırektory Birjan Hasanǵalıev konserttik baǵdarlamany ashty. Merekelik konsertte basqa da estrada juldyzdary, №102 bala-baqshanyń kishkentaı bıshileri ónerlerin ortaǵa salyp, №148 mektep-gımnazıasynyń oqýshylary, QR eńbek sińirgen ártisi Sulýshash Nurmagambetova, taqyryptyq ánderin shyrqady.
