Búgingi kúni Qazaqstan tabysty, gúldengen jáne halyqaralyq qoǵamdastyq tanıtyn memleket. Jaqynda memleket basshysynyń "Uly dalanyń jeti qyry" atty jarıalanǵan baǵdarlamalyq maqalasy memleketilikti damytýdyń jańa kezeńin bastady. Ol ulttyq rýhty kóterýge yqpal etedi jáne qazaqstandyqtardy aıanbaı eńbek etýge yntalandyrady. Mine, sondaı elimizdiń egemendigin qorǵaý jolynda adal qyzmet etip kele jatqan Qarýly Kúshteriniń áskerı qyzmetshileri men qyzmetkerlerdiń eńbegi ólsheýsiz. Ózderiniń qyzmetin elge degen paryzymyz dep biletin áskerı qyzmetshiler aıtýly saltanatty merekelerdi eskerýsiz qaldyrǵan emes.

Osyǵan oraı, Soltústik Qazaqstan oblysy Qorǵanys isteri jónindegi departamentinde merekelik is-shara ótti. Saltanatty sharaǵa Qazaqstan Respýblıkasy Qarýly Kúshteriniń ardagerleri, departament jáne basqarma basshylary men jeke quram túgel qatysty.

Merekelik sharany oblystyń Qorǵanys isteri jónindegi departamentiniń bastyǵy polkovnık Almaz Tileýhanov saltanatty túrde ashyp, qonaqtardy ataýly merekemen quttyqtady.

"Táýelsizdik – barsha Qazaqstan halqy erekshe qadirleıtin, ótkennen taǵylym alyp, keleshekke baıypty qadam jasaıtyn mańyzdy kún. Bul mereke halqymyzdyń san ǵasyrlyq arman-murattarymen sabaqtasyp jatqanymen de qundy. Táýelsiz elimiz ben elordamyzdyń ósip-órkendeýi, atqarylǵan irgeli ister – jetistikterimizdiń aıqyn aıǵaǵy. Sondyqtan Táýelsizdik kúni shyn mánisindegi jalpyhalyqtyq mereke. Táýelsizdigimiz tuǵyrly, berekemiz baıandy bolǵaı"- dep izgi tilegin bildirdi.

Shara barysynda, zapastaǵy polkovnıkter Q.N.Saýytbekov, V.A.Nadárnyı, V.V.Orlov sıaqty elimizdiń órkendeý jolynda aıanbaı qyzmet etken QR Qarýly Kúshteriniń ardagerleri qonaqtardy Táýelsizdik kúnimen quttyqtap, elimizge beıbit ómir men baq-bereke tilegen jyly lebizderin jetkizdi.

Táýelsizdik kúnine arnalǵan merekelik is-shara - Oblystyq fılarmonıanyń kórkemónerpazdary «Táýelsizdik kúnimen, Elim!» atty uıymdastyrǵan uly merekege arnalǵan konserttik baǵdarlamasymen qorytyndylandy.