Astana qalasynda Qazaqstan Respýblıkasynyń Qoǵamdyq damý mınıstrliginiń Azamattyq qoǵam isteri komıtetiniń uıymdastyrýymen kásibı medıatorlardyń kezdesýi ótti. Dóńgelek ústel basyna jınalǵan medıasıa ortalyqtarynyń basshylary, trenerler Qazaqstan Respýblıkasyndaǵy Medıasıa ınstıtýtynyń qazirgi jaǵdaıy men damý joldaryn talqylady dep jazady Qamshy.kz aqparat agenttigi. 

Kezdesý barysynda Qazaqstan Respýblıkasynyń Qoǵamdyq damý mınıstrliginiń Azamattyq qoǵam isteri komıtetiniń tóraıymy Álıa Ǵalymova «Joǵary sotpen birge óńirlerde tatýlastyrý ortalyqtarynnyń jelisin keńeıtýdi josparlaýdamyz. Sonymen qatar janjaldy jaǵdaılarda azamattarǵa medıasıa quraldaryn paıdalaný múmkindigi jóninde keńinen aqparat berý maqsatynda kásibı medıatorlardyń tizbesin turaqty túrde ózektendirip turý boıynsha mindet qoıyp otyrmyz», - dedi.

Spıker Svetlana Romanovskaıa janjaldardy sottan tys retteý júıesin jetildirý úshin birqatar usynystar engizdi. «Shyǵys Qazaqstandyq «Álternatıv» medıasıa jáne quqyq ortalyǵynyń» ókilderi A. Kalenova men M. Dáchýk zańnamaǵa ózgerister engizý boıynsha tushymdy oılaryn bildirdi. Pavlodarlyq medıasıa ortalyǵynyń jumys tájirıbesi memlekettiń qoǵamdyq ınstıtýtty qoldaýynyń jarqyn úlgisi boldy.

Qaraǵandylyq medıatorlardyń kópjyldyq eńbegi naqty usynystar retinde kórinis tapty. Biz medıasıa damýynyń ózegin sotqa deıingi kezeńge burýdy usynamyz. «Medıasıa ınstıtýtyn jan-jaqty damytýdyń negizi janjaldy jaǵdaılardy barynsha azaıtý bolý kerek», - degen Memleket Basshysynyń úndeýin negizge ala otyryp, medıasıa ınstıtýtynyń ózin nyǵaıtý kerek dep esepteımiz. Biz medıasıa resýrstarynyń (medıasıa ortalyqtary jáne medıatorlardyń ózderi) damýyna monıtorıń júrgizýden bastaýdy usynamyz. Medıasıa salaaralyq ınstıtýt bolǵandyqtan, onyń jumysyn úılestirý qıyn. Medıasıanyń barlyq áleýmettik salalarǵa qatysy bolǵandyqtan, olardyń ákimshilerin ortaq respýblıkalyq úılestirý keńesine jınaqtaıtyn negiz bar dep esepteımiz. Quramyna medıasıa salasynyń aldyńǵy qatarly sarapshylaryn engize otyryp, jumys tobyn qurý Qazaqstan Respýblıkasynyń Qoǵamdyq damý mınıstrligine joǵaryda kórsetilgen máselelerdi sheshýge septigin tıgizeri anyq.

Dóńgelek ústel otyrysynyń qorytyndysy boıynsha jol kartasyn ázirleý jáne jumys tobyn qurý sıaqty basym baǵyttar anyqtaldy. Budan ári Qazaqstan Respýblıkasynyń Qoǵamdyq damý mınıstrliginiń úılestirýimen medıasıanyń zańnamalyq bazasy men quraldaryn jetildirý boıynsha naqty usynystar ázirleý boıynsha jumystar júrgiziletin bolady.

Tatána Savıskaıa, «SRK-Dıalog» mekemesiniń dırektory

(Qaraǵandy qalasy)