Onymen birge baıqaýǵa usynylǵan fılmder arasynda Alfons Kýaronnyń “Rım” fılmi, Hırokadzý Koreedanyń “Dúken urylary” fılmi, Pavel Pavlıkovskııdiń “Qyrǵı-qabaq soǵys” atty fılmderi bar.
"Aıka" fılmi Qyrǵyzstannan kelgen jas mıgrant qyzdyń taǵdyry týraly. Ol Máskeýde zańsyz turyp, jumys isteıdi. Aıaǵy aýyr Aıka bosanǵan soń nárestesin perzenthanada qaldyryp ketedi. Biraq ýaqyt óte kele isine ókinip, tastandy balasyn izdeı bastaıdy.
Bul fılmde bas keıipkerdi somdaǵan qazaqstandyq aktrısa Samal Eslámova bıyl mamyrda Kann kınofestıvalinde "Úzdik áıel róli" nomınasıasynyń jeńimpazy atanǵan.
Bes nomınasıa boıynsha 'Oskar" jeńimpazdary 22 qańtarda anyqtalady. Al syılyqpen marapattaý rásimi 24 aqpanda bolady.
Pikir qaldyrý