Reseı prezıdenti Pýtınniń qatysýymen ótken baspasóz konferensıasynyń negizgi ıdeologıalyq jańalyǵy – ýkraın halqynyń bar ekeni moıyndaldy. Bul týraly Reseı prezıdentiniń eks-keńesshisi Andreı Illarıanov málimdedi.

«Tomostyń alǵashqy nátıjesi – Pýtın ýkraın halqyn moıyndady. Pres-konferensıa barysynda Pýtın alǵash ret ýkraın halqynyń orystardan bólek ekenin aıtty. Maǵan shynymen solaı estildi me, álde kórindi me? Alaıda prezıdent dál osy frazany eki márte qaıtalady. Endigi jerde Pýtın eki halyqty bólip qaraıtyn bolady», - dedi Illarıanov.

Sonymen qatar Illarıanov prezıdenttiń pres-konferensıa barysynda aıtqan sózinen mysal da keltirdi.

«Pýtın eki halyqtyń ara jigin ajyratyp, iritki salyp otyrǵan bir kúshtiń baryn aıtty. Eń bastysy, bir emes, eki bólek halyq jaıynda boldy áńgime. Keshe ǵana tek orys halqy dep jyrlaýshy edi...», - dedi prezıdenttiń eks-keńesshisi.

Sońǵy 10 jylda Pýtın ýkraındar men orystardyń bir halyq ekenin aıtyp keldi. Illarıanovtyń oıynsha, Pýtın kózqarasyn bekerden beker ózgertken joq. Onyń sebebi – Ýkraınada táýelsiz pravoslav shirkeýiniń qurylýy boldy.