Qazaqstannyń Syrtqy ister mınıstri bolyp Beıbit Bákiruly Atamqulov taǵaıyndaldy. Árıne, kadrlyq taǵaıyndaýlardyń bolatyny jóninde sarapshylyr aıtyp júrgenimen, bul jaıt dál Jańa jyldyń aldynda oryn alady dep eshkim oılaǵan joq. Biraq qalaı aıtqanda da, kadrlyq ózgeristiń oryn alatyny anyq edi. Árıne, Prezıdenttiń bul taǵaıyndaýlary keıbireýler úshin kútpegen qadam bolýy da múmkin. Biraq Beıbit Atamqulovtyń  Syrtqy istker mınıstri laýazymyna kelýin tosyn oqıǵa dep aıtýǵa kelmeıdi. Óıtkeni ol bul salaǵa birinshi ret baryp otyrǵan joq. Eńbek jolyn balqytýshy bolyp bastaǵan Beıbit Bákirulynyń mamandyǵy – ekonomıs.  Ol Qazaq polıtehnıkalyq ınstıtýtyn, Sankt-Peterbor memlekettik ekonomıka jáne qarjy ýnıversıtetin bitirgen. Ekonomıka ǵylymdarynyń kandıdaty. 2006-2012 jyldary Qytaı men Reseıde dıplomatıalyq qyzmette boldy. Malaızıada, Indonezıa,  Brýneı-Darýssalamdaǵy, Fılıppın Respýblıkasyndaǵy Tótenshe jáne ókiletti elshisi mindetin qosa atqarǵan. Alty jaldan astam dıplomatıalyq qyzmette bolǵan ol birqatar mınıstrlikterde jaýapty hatshy boldy. Arasynda Ońtústik Qazaqstan oblysynyń ákimi qyzmetin de atqardy. Sońǵy qyzmeti - Qorǵanys jáne aeroǵarysh ónerkásibi mınıstrligi. 

Endeshe dıplomatıalyq jumysyna endi kirisken, memlekettik qyzmette  mol tájirıbesi bar Beıbit Atamqulov  Syrtqy ister mınıstri laýazymynda ózin jańa qyrynan tanytady oıdamyz. Osyǵan oraı, jańa mınıstrge aıtar biraz usynysymyz da bar.

1. Álemde soǵys saýdasy kúsheıip, alpaýyt elderdiń adýyndy áreketteri men qıturqylyq saıasaty jahanǵa qaýip tóndirip otyrǵan ýaqytta Qazaqstan syrtqy saıasatta qandaı jaǵdaıǵa qaramastan óziniń derbes saıasatyn júrgizýi tıis.
2. Qazaqstan Qaýipsizdik keńesiniń turaqty emes múshesi retinde halyqaralyq jıyndarda jáne BUU minbelerinde qalys qalmaı, eshkimge jaltaqtamaı, óz pozısıasy men daýysyn  anyq ári ashyq bildirgenin qalaımyz.
3. Halyqaralyq qoǵamdastyqta Qazaqstan kóp rette óz saıasatyn Reseıdiń pozısıasyna qaraı úılestiredi. Solardyń áreketine qarap, daýys beretin jaıttar da az emes. Táýelsiz elge abyroı ápermeıtin mundaı qadamnan qashan da qashyq bolǵanymyz durys.
4. Prezıdent Nazarbaev Túrki tildes elderdiń ustanymy men yntymaqtastyǵyn nyǵaıtý jóninde udaıy aıtyp keledi. Túpki tarıhymyz ben baýyrlastyq saıasatymyz bir bolǵandyqtan tamyrlas elder arasynda eshqashan teketires bolmaıtyny ol anyq. Túrki álemi búginde birlik pen tıimdi yntymaqtastyqtyń jolyn tańdady. Sondyqtan Syrtqy ister mınıstrligi álemdik qoǵamdastyqta Túrki tildes elderdiń  yqpalyn barynsha kúsheıtýge jumys isteýi tıis.
5. Qalaı aıtsaq ta, qazir halyq arasynda Qytaı men Reseı ekspansıasyna qatysty úlken úreı bar. Sondyqtan Syrtqy ister mınıstrligi qazaq halqynyń múddesin naqty ári únemi eskerip otyrýy tıis. Qajet jaǵdaıda batyl sheshim qabyldaǵany da durys,
6. Qazir Qytaıdaǵy qandastarymyz qysym kórip, qýdalanyp jatqany jalpaq jurtqa belgili. Qazir bul másele halyqaralyq jıyndarda aıtylyp, muqym dúnıege málim boldy. Sondyqtan artynda arqasúıer memleketi bar el  retinde qandastarymyzdyń quqyn qorǵaýdy mınıstrlik  óz moınyna alyp, olardyń birjola bostandyqqa shyǵýyn batyl talap etýi tıis. Sonymen qatar, álemniń ár túkpirinde júrgen otandastarymyzdyń elge oralýyna bar  múmkindik pen jeńildik jasalýy kerek.