Aqtóbe oblysynyń ákimi qarttar men múgedek jandardy kele jatqan Jańa jyldarymen quttyqtady
Jańa jyl merekesi qarsańynda Aqtóbe oblysynyń ákimi Berdibek Saparbaev Aqtóbedegi qarttar men múgedek jandarǵa arnalǵan ınternat úıinde boldy.
Búginde 1973 jyly ashylǵan qarttar men múgedekterdiń ınternat úıinde 224 adam turady. Óńir basshysy olarǵa myqty densaýlyq pen rýhanı sergek bolýdy tiledi.
«Áleýmettik salanyń Qazaqstan Táýelsizdiginiń 27 jyly boıy damýy - memleket basshysy Nursultan Nazarbaevtyń saıasatynyń basym baǵyty bolyp tabylady. Buǵan Prezıdenttiń halyqtyń ál-aýqatyn ári qaraı kóterýge arnalǵan jýyrdaǵy Joldaýy dálel. Elbasy tapsyrmasyna sáıkes, bizdiń oblysta qarttar men múmkindigi shekteýli jandardyń turmys sapasyn kóterýge erekshe kóńil bólinýde, sonyń ishinde atalmysh ınternat úıiniń qyzmetine árqashan qoldaý kórsetilip keledi. Ómirde túrli jaǵdaı bolady, biraq eń bastysy – bul sizderdiń qazirgi amandyqtaryńyz. Sizderge myqty densaýlyq, uzaq ǵumyr men árqashan jaqsy kóńil-kúıde bolýdy tileımin»,-dedi oblys ákimi.
Mekemege múmkindigi shekteýli jandar men qart azamattardy otyrǵyzatyn kótergishtermen jabdyqtalǵan mamandandyrylǵan avtokólik tartý etildi.
Internat úıiniń dırektory Ermek Beısqalıevtiń aıtýynsha bul mekeme uzaq ýaqyt boıy osyndaı kólik quralyn qajet etken, óıtkeni munda birinshi jáne ekinshi toptaǵy 93 múmkindigi shekteýli azamattar men zeınetkerler turady, olardyń eń úlkeni 94 jasta. Ol sondaı-aq, qarttar men múgedekter úıine túsetinder sanynyń jyldan jylǵa azaıyp kele jatqanyn atap ótti.
Aqtóbe oblysynda 27 myńnan astam múgedek jan bar. Olarǵa ýaqytyly áleýmettik qoldaý kórsetilip turady. Bıyl 12 myńnan asa múgedek adam tehnıkalyq, gıgıenalyq quraldarmen, protezdik-ortopedıalyq buıymdarmen jáne shıpajaılyq em-dommen qamtyldy. Jalpy, memleket múmkindigi shekteýli tulǵalardy áleýmettik jaǵynan qoldaýǵa 1,8 mlrd teńgeden astam qarajat aýdardy.
Budan basqa, ótip bara jatqan jyly óńir bıligi múmkindigi shekteýli balalarǵa erekshe kóńil bóldi. «Baqytty bala» jobasy aıasynda bir jyldyń ishinde elimizde birinshi ret «Kúnshýaq» jyl boıǵy saýyqtyrý ınklúzıvti lageri, búdjet qarajatynan - tys aýtızmi bar balalarǵa arnalǵan ońaltý ortalyǵy, korreksıalyq balabaqsha, múmkindigi shekteýli balalarǵa arnalǵan ońaltý ortalyǵy ashyldy.
