Oblysta memlekettik organdardyń basshylary jańajyldyq korporatıvterdi ótkizýden bas tartty. Onyń ornyna Aqtóbede tuńǵysh qysqy qaıyrymdylyq baly uıymdastyrylmaq. Barlyq jınalǵan qarajat múmkindigi shekteýli jıyrma janǵa, sonyń ishinde balalarǵa beriledi.
Mesenattyq salaǵa erekshe kóńil bóletin 200-ge jýyq memlekettik qyzmetker, kásipkerler, qoǵamdyq birlestikter men qor ókilderi qaıyrymdylyqqa qatysatyndaryn aıtty. Balǵa kirý úshin tólenetin qaıyrymdylyq jarna 10 myń teńgeni quraıdy, ıaǵnı uıymdastyrýshylar tek kirý bıletiniń ózinen muqtaj jandar úshin 2 mıllıon teńgeden astam qarajat jınaı alady. Budan basqa, arnaıy uıymdastyrylǵan aýksıonnan túsken barlyq aqsha qaıyrymdylyqqa beriletin bolady.
Balda óńirde 2018 jyly ótken qaıyrymdylyqty damytý sharalary qorytyndylanady. Qaıyrymdylyq qyzmetine erekshe nazar aýdarǵan, áleýmettik mańyzdy problemalardy sheshýge súbeli úles qosqan jáne aqtóbelikterdiń ózekti máselelerine beıjaı qaramaıtyn oblystaǵy úzdik mesenattar marapattalady.
