Memleket basshysy N.Nazarbaevtyń "Bolashaqqa baǵdar: rýhanı jańǵyrý" baǵdarlamalyq maqalasy aıasynda qolǵaalynǵan "Qazaqstannyń 100 jańa esimi" jobasynyń jeńimpazy, Bilim berý salasynyń úzdigi, ǵalym, doktorant Qýanysh Jumabek 2018 jyldyń 18 jeltoqsanyndaTúrkıa Respýblıkasy Ómer Halısdemır ýnıversıtetinde Elbasynyń "Uly dalanyń jeti qyry" maqalasyna arnalǵan basqosý ótkizdi. Bas baıandamashy Q.Jumabek óz sózinde taǵylymy mol maqalada aıtylǵan aýqymdy jobalar men Uly dalanyń jeti qyryn keńinen tanystyrdy. Óz tarıhymyzdy júıelep qaıta zertteýdiń jáne Qazaqstan jeriniń álemdik órkenıettegi ornyn kórsetýdiń sáti kelgenin atap ótti. Sonymen qatar Uly dalanyń búkil Túrki halyqtarynyń kıeli «Qara shańyraǵy» ekenin de basa aıty.

İs-sharaǵa Nııde qalasy ákimi men 200-ge jýyq stýdentter, oqytýshylar qatysty. Atalmysh ýnıversıtettiń Qazirgi túrki tilderi men ádebıetteri bóliminiń basshysy, fılologıa ǵylymdarynyń doktory, profesor Hıkmet Korash moderator bolsa, Ankara Hadjy Baıram Velı ýnıversıteti doktoranty Týrgaı Dúıen Qazaqstannyń táýelsizdigi jaıly sóz sóılep, maqalada kórsetilgen tarıhı sanany jańǵyrtýǵa baǵyttalǵan usynystardy qoldaıtynyn jetkizdi.  Q.Jumabekke zor densaýlyq, shyǵarmashylyq tabys tileımiz!