Biz qarama-qaıshylyqqa toly álemde ómir súremiz. Kúndelikti qyzmet babynda, jeke ómirde, dostarmen qarym-qatynas barysynda pikirler qaıshylyǵy, ózara túsinispeýshilikter týyndap jatady. Kıkiljiń men kelispeýshiliktiń saldarynan psıhologıamyzǵa, sondaı-aq ózara qarym-qatynasqa syzat túsýi de ǵajap emes. Ataqty amerıkalyq psıholog Deıl Karnegı biz kúndelikti ómirde tap bolatyn qıyndyqtan shyǵýdyń tıimdi joldaryn zerttegen. Qazirgi tańda qanshama adamnyń ortasynda júrse de ózderin jalǵyz sezinetinder kóp. Qamshy.kz aqparat agenttigi oqyrman nazaryna Karnegıdiń "Qalaı dos tabýǵa bolady jáne adamdarǵa yqpal etý joldary" atty kitabynda jazylǵan negizgi qaǵıdalaryn usynady. Ondaǵy keńester sizge óz ómirińizdi qalypqa keltirýge nemese múlde ózgertýge sebep bolýy múmkin.

Deıl Karnegıdiń ómiri jaıly derekter men ózge de qaǵıdalaryn buǵan deıin de jarıalaǵan edik.

Baqytty ómirdi zerttegen tanymal psıhologtyń "baqytsyz" ólimi

Qalaı dos tabýǵa bolady: Deıl Karnegıdiń negizgi prınsıpteri.

1. Synamańyz, aıyptamańyz, shaǵymdanbańyz.
2. Adal ári shynaıy baǵalańyz.
3. Ózge adamdardyń qyzyǵýshylyǵyn oıata bilińiz.
4. Ózgelerge qyzyǵa bilińiz.
5. Kúlimdeńiz.
6. Adam úshin onyń óz esimi – kez kelgen tilde eń keremet, eń jaǵymdy dybys ekenin este saqtańyz.
7. Ózgelerdi tyńdaı bilińiz. Olardy siz týraly aıtýǵa yntalandyryńyz.
8. Janyńyzdaǵy adamǵa qyzyq bolatyn áńgime aıtyńyz.
9. Kıkiljińdi sheshýde alda bolýdyń joly – ony boldyrmaý.
10. Janyńyzdaǵy adamnyń pikirine syılastyqpen qarańyz. Eshqashan onyń oıyn joqqa shyǵarmańyz.
11. Eger qatelik jiberińiz, tez arada túzetý kerek.
12. Bastapqy sátten-aq, dostyq nıet bildirińiz.
13. Áńgimelesý kezindegi ýaqyttyń kóp bóliginde janyńyzdaǵy adamnyń sóıleýine múmkindik berińiz.
14. Jaǵdaıǵa ózgelerdiń de kózqarasymen qaraýǵa tyrysyńyz.
15. Ózgelerdiń sezimi men pikirine túsinistikpen qarańyz.
16. Sanaly motıvke shaqyryńyz.
17. Óz oıyńyzdy áserli etip jetkizińiz.
18. Birinshi qadam jasaýǵa daıyn bolyńyz.
19. Áńgimeni maqtaýdan bastańyz.
20. Basqalardyń qateligin janamalap jetkize bilińiz.
21. Birinshi óz qatelikterińizdi taldap, sodan keıin ǵana ózgelerdi synańyz.
22. Basqalarǵa buıryq emes, suraq qoıyńyz.
23. Ózgelerdiń ózin aqtaýyna múmkindik berip kórińiz.
24. Basqalardyń kishkene bolsa da jetken jetistigin maqtap, ár isin quptap otyryńyz. Ózgelerge ózińizdi jomart adam retinde kórsetińiz.
25. Basqa adamdarǵa óz bedelin qalyptastyrýyna jaǵdaı jasańyz.
26. Basqalar óz qateliginin túzete alatynyna senimmen qarańyz.
27. Sizdiń aıtqanyńyzdy ózgeler qulshynyspen oryndaı alatyndaı bolsyn.
28. Janyńyzdaǵy adam óziniń mańyzdylyǵyn uǵynýyna shynaıy nıet tanytyńyz.
29. Sizdiń suraǵyńyz birden «ıá» dep jaýap beretindeı bolsyn!
30. Sizben áńgimelesken adam óziniń pikiri rasymen qundy ekenin túsinýi kerek. 

Karnegıden keńes: Tanymal psıhologtyń boıyńyzdaǵy mazasyzdyqty joıýǵa arnalǵan qaǵıdalary