Fılıppınde katolıkter shirkeýinde jarylys bolyp, sonyń saldarynan 27 adam qaza tapty, al 77-si aýyr jaraqat alǵan. Bul jaıynda Qamshy.kz aqparat agenttigi Bbc.com saıtynyń málimetine súıene otyryp jazady.
Birinshi jarylys jergilikti ýaqytpen saǵat 08:45-te Karmel taýynda jeksenbilik katolıktik jıyn barysynda bolǵan. Keıinnen oqıǵa ornyna áskerıler men jergilikti polısıa qyzmetkerleri kelip jetkennen soń ekinshi jarylys oryn alǵan.
Qaza tapqandardyń kópshiligi qarapaıym turǵyndar bolsa, jeteýi áskerı qyzmetkerler eken. "Alǵashynda 19 adam qaza taýyp, 48-i jaralandy" degen aqparat shyqqan bolatyn, keıinnen qurban bolǵan adamdardyń sany ósken.
Bul oqıǵaǵa baılanysty áli eshbir uıym ózine jaýapkershilik alǵan joq.
Jarylys bolǵan jer túgeldeı qorshaýǵa alynyp, shirkeýge baratyn joldy jaýyp tastaǵan.
Daıyndaǵan: Nazerke Labıhan
