Buro247.kz redaksıasy «Tuman arasynda: almatylyqtardyń birneshe jyldan keıingi keıpi» atty joba jasady, dep jazady Qamshy.kz aqparat agenttigi. Onda Almatynyń ekologıalyq máseleleri kóterilgen.

«Almatynyń las aýasy qala turǵyndarynyń densaýlyǵyna keri áser etedi. Ekologıalyq apat kólemi kún sanap artyp keledi, munysyn terezege qarap-aq baıqaýǵa bolady. Bul olqylyqty joıý úshin bılik áli talaı jumys isteý kerek. Eger eshteńe ózgermese, qala turǵyndarynyń keıpi mynadaı bolar edi». – dep jazdy redaksıanyń Instagram-daǵy paraqshasynda.

Buro247.kz osy taqyrypqa oraı fotosessıa jasapty. Sýretterden betperde kıgen modelderdi kóremiz. Túsirilim úshin bazarlar, gúl pavılondary paıdalanylǵan.

«Adamdarǵa qalanyń kelbetin kórsetkimiz keldi. Ádemi sýretter arqyly úlken máseleni kótermekpiz», - dedi redaksıa músheleri.

Usynǵan: Gúlim Jaqan