Pavlodar oblysynda otbasynan aıyrylǵan ápkeli-sińlige ákimdik páter bermek. Bul týraly Baıanaýyl aýdany ákimdigi habarlady, dep jazady Qamshy.kz aqparat agenttigi.
Vedomstvoda málimdelgendeı, otbasynan aıyrylǵan ápkeli-sińlilerdiń jastary – 17 jáne 18-de. Ekeýi de Baıanaýyldaǵy agrarlyq kolejde bilim alyp jatyr ári kolej jataqhanasynda turady.
Aýyr qazaǵa oraı ákimdik qyzdarǵa Baıanaýyl aýylynan 24 sharshy metrli bir bólmeli páterdiń kiltin tabystaıdy. Sonymen qatar, jalǵyz qalǵan ápkeli-sińlilerdi qoldaý maqsatynda aýdannyń jastar ortalyǵy shot ashty. Oblys ákimi Bolat Baqaýov órtten kóz jumǵan otbasynyń jaqyndaryna kóńil aıtty.
«Baıanaýyl aýdany Uzynbulaq aýylynda bútindeı bir otbasy qaıtys boldy. Bekbatyrovtardyń jaqyndary men týystaryna qaıǵyryp kóńil aıtamyn. Jerleý rásimderin uıymdastyrý sharalaryna barynsha kómegimizdi kórsetemiz», - dedi Baqaýov.
Eske sala keteıik, Pavlodar oblysy Baıanaýyl aýdany Uzynbulaq aýylynda bútindeı bir otbasy – ákesi, anasy jáne eki balasy ystan ýlanyp kóz jumdy. Qaıǵyly habar tótenshe jaǵdaılar departamentine keshki 21:30-da kelip túsken. Belgili bolǵandaı, anasynyń aıaǵy aýyr, ishindegi balasy 5 aılyq bolypty.
«06.02.2019 jyly saǵat 21:30-da Baıanaýyl aýdany Uzynbulaq aýylynyń ákimdiginen Pavlodar oblystyq tótenshe jaǵdaılar departamentine habar kelip tústi. 14 sharshy metrdi quraıtyn jeke turǵyn úıde 4 adamnyń máıiti tabylypty. Olar: Bekbolatov Rýstam – 1979 jylǵy, Bekbatyrova Natalá – 1980 jylǵy, Bekbatyrova Dınara – 2004 jylǵy, Bekbatyrov Damır – 2007 jylǵy. Aýyl turǵyndarynyń aıtýynsha, Natalá júktiliktiń 5 aıynda bolǵan. Ákesi men anasy ýaqytsha jumyssyz júripti. Aýyl ákimi M.A.Muqanovtyń aıtýynsha, otbasy tútinnen ýlanyp qaza tapqan. Oqıǵa ornynda jaýapty mekemeniń qyzmetkerleri jáne kezekshi prokýror tekseris jumystaryn júrgizýde», - delingen oblystyq tótenshe jaǵdaılar departamentiniń habarlamasynda.
Usynǵan: Gúlim Jaqan
