"Maǵan Mahatma Gandıdiń táýelsizdik jolyndaǵy kúresi keremet shabyt beredi. Úndistanǵa esh soǵyssyz, qan tógissiz táýelsizdik alyp berý degen tańǵalmasyńa qoımaıtyn dúnıe emes pe? Sol Gandı qandaı shara qoldandy deısiz ǵoı? Ol bar bolǵany óz elindegi aǵylshyn taýarlarynan bas tartyp, halyqty da sol ónimnen shaqyrdy. Eń aıaǵy tuz alý úshin sýǵa ózi túsip, kıim kıý úshin matanyń jibin ózi ıirip ketti ǵoı. Tek óz tilinde sóıledi. Onyń atyn estigende tipti Anglıanyń premer mınıstri Cherchılldiń ózi eleńdep qalatyn desedi. Al biz...
⠀
Allaǵa shúkir, táýelsizdik aldyq. Áıtse de, ózim qazaqsha sóılegenime máz bolyp, birdeńeni tyndyrǵandaı bop júrsem, onym ber jaǵy eken. Tilimizge janymyz shyn ashysa, bankomatta qazaq tilin tańdap, telefondaǵy operasıalyq júıelerdi qazaq tilinde júrgizýimiz kerek. Qyzmet kórsetý oryndarynda qazaqsha sóılep, is- qaǵazdaryn qazaqsha toltyrýymyz qajet eken. Eger laıyqty qyzmet kórsetilmese, shaǵym túsirýge erinbeý kerek ekenbiz. Al biz ýaqytymyzdy aıaımyz, artyq problemadan qashqymyz keledi de, qoldy bir-aq silteımiz. Sóıte tura, qazaq tili damymady dep dabyl qaǵamyz. Damytpaı júrgen ózimiz ekeninde oı joq.
⠀
Al siz qazaq tili úshin qazaqsha sóıleýden basqa qandaı eńbek etip júrsiz? Múmkin bir-birimizden úlgi alarmyz?"

(s) Marfýǵa Shapıan, bloger

Usynǵan: Maqpal Sembaı