Qazaqtyń belgili ánshisi, kompozıtor Batyrhan Shúkenovtiń estelik medali onyń anasyna tabystalady, dep jazady Qamshy.kz aqparat agenttigi QR Mádenıet jáne sport mınıstrliginiń baspasóz qyzmetine silteme jasap.

"15 aqpan kúni saǵat 13:00-de «Qazaqstan» ortalyq konsert zalynda Qazaqstannyń eńbek sińirgen qaıratkeri, ataqty ánshi jáne kompozıtor Batyrhan Shúkenovtiń «Aýǵan soǵysynyń ardageri», «Keńes Odaǵy áskeriniń Aýǵan jerinen shyǵarylýynyń 30 jyldyǵyna oraı» estelik medaldarynyń tapsyrylý saltanaty ótedi.

Estelik medaldar Keńes Odaǵy áskeriniń Aýǵan jerinen shyǵarylýynyń 30 jyldyǵyna oraı arnaıy tapsyryspen ázirlengen. Medalmen áskerı qyzmetkerlerge ǵana emes, soǵys alańynda qyzmet etken azamattar da marapattalǵan. 80-jyldardyń ekinshi jartysynda Batyrhan Shúkenov jaýyngerlerdiń rýhyn kóterý maqsatynda konsert brıgadasymen Aýǵan jerinde óner kórsetken. Biraq ánshiniń tyǵyz gastróldik kestesine baılanysty atalmysh medaldar ýaqytyly ıesine tabystalmaı qalǵan. Osyǵan baılanysty, estelik medaldar uzaq jyldar boıy Ortalyq memlekettik arhıvte saqtalǵan" - delingen habarlamada.

Belgili bolǵanyndaı, óziniń shyǵarmashylyq jolyn «Qazaqkonsert» gastroldik konserttik birlestiginde bastaǵan Batyrhan Shúkenovtiń medaly uzaq jyldar boıy ortalyq memlekettik arhıvte saqtalǵan. Al, qańtar aıynda Elordamyzdaǵy «Qazaqkonsert» memlekettik konserttik uıymynyń dırektory J.Seıdýllaulyna tapsyryldy. Endi anasy Dılára Ibragımqyzy Shýkenovaǵa saltanatty túrde  tabystalmaq.  

Dóńgelek ústel formatynda ótetin is-sharada Qazaqstannyń eńbek sińirgen qaıratkeri, ataqty ánshi jáne kompozıtor Batyrhan Shúkenovtiń shyǵarmashylyǵyn eske alyp, ánshiniń anasynan eksklúzıvti suhbat alý múmkindigi týyp otyr. İs-shara barysynda «Qazaqkonserttiń» artıseri Batyrhan Shúkenovtiń ánderin jandy daýysta shyrqaıdy.  

Usynǵan: Nazerke Labıhan