Elbasy «Qazaqstannyń 100 jańa esimi» jobasynyń jeńimpazdarymen kezdesýi barysynda halyqaralyq áskerı jýrnalıs, fotograf Nazgúl Kenjetaı Sırıadaǵy soǵys jaıly aıtyp berdi, dep jazady Qamshy.kz aqparat agenttigi.

BUU jáne IýNISEF-pen seriktes bolǵan Nazgúl Kenjetaı Túrkıa men Sırıaǵa jıi saparlaıtyn. Maqsaty da aıqyn – soǵystyń shynaıy kelbetin kórsetý.

«Ózderińizge málim, álemniń ár buryshy túrli saıası, dıplomatıalyq, strategıalyq taǵy da basqa konflıktige toly. Sonyń biri – Taıaý Shyǵystaǵy Sırıa. 2014 jyldan beri stýdent bolsam da qıyn máselelerdi tereńinen zertteýdi jaqsy kórdim. Názik ǵana boıym úlken jaýapkershilikti arqalaıtyn da júretin. Osy jolda «Jumaqta tamaq kóp pe?» dep suraǵan balany da, ózennen aǵyp bara jatqan balanyń óli denesin de, óz týyn jerge taptaǵan halyqty, olardy qorǵaýǵa kúshi jetpegen erkekterdi de kórdim. Munyń bárin kórip qana qoıǵan joqpyn, álemge kórsetýge tyrystym. Óz Otany bolmaý degenniń qandaı qasiret ekenin kórsetýdi maqsat tuttym», - dedi Nazgúl Kenjetaı.

Jýrnalısiń zertteýleri shetelde joǵary baǵalanǵan.

«Búgin bizdiń Qazaqstan tek Ortalyq Azıada emes, naǵyz qazaqtar, qazaq jýrnalıseri, qazaq tili ómir súretin jerde ornalasqan. Jahandaný degenimiz – osy», - dedi Nazgúl Kenjetaı.

Usynǵan: Gúlim Jaqan