Shymkentte alyp qashýdyń qurbany bolǵan qyz aqyry turmysqa shyǵýǵa kelisim berdi, - dep habarlaıdy Tengrinews.kz tilshisi. Aıta keteıik, alyp qashý sáti vıdeoǵa túsirilip, jelige jarıalanǵan edi.

Áleýmettik jeli qoldanýshylarynyń biri ózine urlanǵan qyzdyń telefon arqyly habarlasyp, vıdeodan ózin kórgenin jáne óz jaǵdaıynyń jaqsy ekenin aıtqanyn málimdedi. Sóıtse, urlanǵan qyz aqyry ózin alyp qashqan jigittiń birine turmysqa shyǵýǵa kelisim beripti. Dese de, qyz qandaı da bir málimet berýden tas tartyp, daý týdyrǵan vıdeony óshirip tastaýdy surapty.

Al Ońtústik Qazaqstan oblysy İİD baspasóz qyzmetiniń ókilderi bolsa Tengrinews.kz tilshisine zardap shekken taraptan eshqandaı da aryz túspegenin jáne vıdeonyń zerttelip jatqanyn habarlady. Olardyń aıtýynsha, zardap shekken taraptan aryz túspese de tergeýshilerdiń vıdeony zertteýdi bastaǵan.

Aty-jónin jasyrǵan qoldanýshy áleýmettik jelide Shymkenttegi qyz alyp qashqandar túsirilgen vıdeony jarıalady. Aldymen instavideo_kaz paraqshasynda paıda bolǵan jazbada eki jigittiń aq tústi kólikke qyzdy kúshtep otyrǵyzǵany kórinedi. Rolık "eń qyzyq jerinen" úzilip qalady. Vıdeo Jelide paıda bolǵannan keıin qoǵamda dúrligý týǵyzdy. Qyzdy alyp qashý kóringen vıdeony jarıalaǵan instavideo_kaz tobynyń habarlaýynsha, olarǵa urlanǵan qalyńdyqtyń týystary onyń eki kún boıy tabylmaı jatqanyn habarlaǵan. Kýágerlerden qyz jaıly málimet suraldy.