Tanymal prodúser Erik Tastambekov Maqpal Isabekovany óziniń shyǵarmashylyq ómirindegi eń mańyzdy joba deı kele, ánshiniń áli hıt ánder taba almaı júrgenin aıtty. «Men únemi jigitterge prodúser bolatynmyn. Keıin 20 jastaǵy qyz balany qaramaǵyma alýǵa bel býdym. Men oǵan barlyq kúshimdi saldym. «Ol tolyq qyz ǵoı. Ony nege aldyń?» degender boldy. Alaıda, men onyń talanty men daýsyna jáne harızmasyna qaradym. Óıtkeni aryqtaý qatty qıyn emes qoı», – deıdi prodúser. Tastambekov búgingi kúni Maqpaldyń áli ózin izdep júrgenin aıtady. «Ol birese shashyn saryǵa boıap alsa, endi birde shashyn qysqa qylyp qıyp tastaıdy. Eger áli kúnge deıin meniń prodúserligimde bolsa, men mundaılarǵa jol bermes edim. Onyń menen ketýiniń sebebi de osy boldy. Meniń únemi qadaǵalap, baqylap júretinime kóne almady», – deıdi Tastembekov. Eriktiń aıtýynsha, Maqpaldyń shyǵarmashylyǵy birqalypty keledi, alaıda, áli de hıt ánder taba alar emes.