Búgin Almatydaǵy Almaly aýdandyq soty 3 adam qaza tapqan jol apatyna sebepker bolǵan Ilás Karǵa úkim shyǵardy. Sot sheshimi boıynsha Ilás Kar 10 jylǵa bas bostandyǵynan aıyryldy.

Al jábirlenýshi tarap sottan qylmyskerdiń jazasyn jeńildetýdi suraǵan. Sebebi Kar 4 jábirlenýshiniń moraldyq shyǵynyn ótep bergen. Bul týraly Qamshy.kz aqparat agenttiginiń tilshisine marqum bolǵan júrgizýshi Baqytnurdyń Qunapıaulynyń advokaty Erjigit Nurtaıuly aıtty. 

"Sot sheshimi qanaǵattandyrdy. Marqum Baqytnurdyń aǵalary Qytaıdan keldi.Jábirlenýshi jaq 3 mln tg. moraldyq shyǵyn talap etti. Talabymyzdy oryndaldy. Shyǵyndy tólep berdi. Sot sheshimi qylmyskerge maksımaldy túrde 10 jyl berip otyr. Biz materıaldyq shyǵyn talap etkennen keıin, qylmyskerdiń jazasyn jeńildetýin suradyq. Sot  ony esepke alǵan joq. Eń joǵarǵy jazany berdi", –dedi Almaty oblysy advokattar alqasynyń advokaty Erjigit Nurtaıuly. 

Eske sala keteıik, Almaty qalasynda ótken jyldyń 29 jeltoqsanynda jantúrshigerlik jol apaty bolyp, úsh adam qaza tapqan bolatn. Búkil eldi eseńgiretken bul oqıǵaǵa Gelendwagen markaly kólik mingen kásipker Ilás Kar sebepker bolǵan.

Ol 120 km/saǵ jyldamdyqpen baǵdarshamnyń qyzyl túsine ótip ketip, Mitsubishi kóligin soǵyp ótken edi. Jantúrshigerlik jol apatynda qaza tapqan aktrısa Sholpan Elgezekova men onyń qurbysy Dınara Hamıtova jáne taksı júrgizýshisiniń týystary apatqa kináli dúngen azamatyn sotqa berip, tergeý jumystary bir aıdan asa ýaqyt júrgizilip, jaqynda onyń soty bastalyp, búgin aıaqtaldy.