Májilis depýtaty Gúljan Qaraǵusova áriptesterine qartaıǵanda turatyn kooperatıv salýdy usyndy dep habarlaıdy Qamshy.kz aqparat agenttigi Tengrinews.kz  saıtynyń deregin negizge ala otyryp.

Ol bul ıdeıasyn az qamtylǵan otbasylarǵa qoldaý sharalaryn talqylaý kezinde aıtqan. 

Májilismen Keńes Absatırov Eńbek jáne áleýmettik qorǵaý mınıstrliginiń ókilinen: áleýmettik kómek kórsetý barysynda kópbalaly otbasynyń tabysyna ata-ájelerdiń zeıneti qosyla ma dep suraǵan.

Gúljan Qaraǵusova: Aıta keteıik, bul memlekettik járdemaqynyń mólsherine áser etedi.

"Zeınetti tabys retinde eseptesek, nege ómir boıy balalaryn súırep júrgen qarttar endi nemerelerin súıreýge mindetti bolýy kerek?" - dedi depýtat.

Eńbek jáne áleýmettik qorǵaý vıse-mınıstri Svetlana Jaqypova: Qoldanystaǵy zańnamaǵa saı úı qojaıyndarynyń tabystary esepteledi. Eger jaqyn týystary birge turyp jatsa, báriniń de tabysy esepke alynady. Jaqyn týystary dep "Neke jáne erli-zaıyptylyq kodeksine" enetin adamdardy aıtamyz, olar - ájeler, atalar, baýyrlar, ápke-sińliler, kúıeýi, áıeli men balalary

Absatırov: "Demek, olardy úıden qýýǵa májbúr etesizder me?", - dep surady .

Al Gúljan Qaraǵusova bul másele boıynsha óz pikirin qosty: "Qýyp qaıtemiz? Bizge arnaıy úı salý qajet, qartaıǵanda balalardyń ómirine kedergi jasamaı, sol jaqqa baramyz. Bul qarttar úıi emes. Bul jeke kooperatıvter bolady. Birneshe jyl ótsin, Tatána Mıhaılovna (qarjy vıse-mınıstri Saveleva - avt.) men Tatána Ivanovnamen (Májilis depýtaty Iakovleva - avt.) birge sondaı úı salamyz da, balalarǵa kedergi keltirmes úshin, sol jaqta óz tabysymyzben ómir súrýge ketemiz".

Usynǵan: Farıza Jomartqyzy