Birneshe kúnnen beri Dımash týraly túrli pikirler aıtylyp ta, jazylyp ta jatyr. Eń birinshi Halyq ártisiniń uly Álı Oqapov Dımash Qudaıbergenovtyń hıt áni joq ekenin aıtyp, basy bálege qalǵan edi. Keıin ol Dımashtyń jankúıerlerinen keshirim surady. Sondaı-aq ol Dımashty ǵajap daýysty ánshi ekenin moıyndaıtynyn da aıtqan bolatyn. Endi Roza Rymbaeva uly týraly jaǵymsyz pikirlerge jaýap berdi dep jazady Qamshy.kz aqparat agenttigi Vremá saıtynyń deregin negizge alyp. 

Roza Rymbaevanyń aıtýynsha, jaǵymsyz pikirler aıtylǵan kezde aqtalyp, keshirim suraýdyń qajeti joq. Ol mundaı jaıttan úndemeı, jurttyń sózine mán bermeý kerektigin aıtty. 

"Árkim óz oıyn aıtýǵa quqyǵy bar. Álı kásibı maman retinde pikir bildirdi. Sondaı-aq ol Dımashty jaman mýzykant dep aıtqan joq. Dımash ǵajap daýystyń ıesi. Búkil álem Dımashtyń uly ánin kútýde", dedi Roza Rymbaeva. 

Sondaı-aq KSRO-nyń halyq ártisi Lakı Kesoglý da daýly máselege qatysty da óz pikirin bildirdi. Onyń aıtýynsha, Álı Oqapovty jamandap, dattaı berýdiń qajeti joq. 

"Shynymen de, Dımashtyń aıtyp júrgen halyq ánderinen basqa óziniń hıt ánderi joq. Biraq bul Dımashtyń kinási emes. Buǵan Dımashqa án shyǵara almaı júrgen qazaqstandyq kompazıtorlar kináli. Al Álı bolsa óte talantty, saýatty ánshi. Óz pikirin ashyq aıtqan adamdy jerden alyp, jerge salýdyń qajeti joq", - dedi KSRO-nyń halyq ártisi. 

KSRO-nyń halyq ártisi Álıdi dattaǵandardyń kóbisi Dımashtyń jankúıerleri ekenin aıtty. 

"Árıne Dımashtyń barlyq jankúıerleri Álıdi jek kórip ketti dep aıta almaımyn. Biraq Álıdi balaǵattap, otbasy týraly jaǵymsyz pikirdiń qajeti joq", - dep sózin aıaqtady  Kesoglý. 

Aýdarǵan: Ásel Bolatqyzy