Qazaqstan jaıly kópshilik bile bermeıtin derekter óte kóp. Qamshy.kz aqparat agenttigi oqyrmandar nazaryna Qazaqstanda ǵana emes, búkil ǵalamshardaǵy aýmaǵy jónindegi eń  iri qala týraly aqparat usynady.

Elimizdegi eń úlken qala Almaty dep oılasańyz, qatelesesiz. Ol Astana da emes. Qazaqstandaǵy aýmaǵy boıynsha eń úlken qala — Qostanaı oblysyndaǵy Arqalyq qalasy.
⠀
Qala aýdany 15 587 km-di quraıdy. Mundaı terıtorıaǵa 22 Almaty nemese 21 Astana syıyp kete alady eken. Osyǵan deıin qala aýdany boıynsha ǵalamshardaǵy eń iri qalalardyń biri bolyp eseptelgen, degenmen qazir de, álemdegi úlken qalalardyń biri.

Máselen, Nú-Iork qalasy aýdany jaǵynan Arqalyq qalasymen salystyrǵanda 10 ese kishi. Tarıhı esepteýlerge qaraǵanda, Arqalyq geologtar men qurylysshylardyń aýyly retinde 1956 jyly negizi qalanyp, keıin boksıt rýdalaryn ıgergen soń qalaǵa aınalǵan. 1980-jyldardyń birinshi jartysynda qala gúldene bastaǵan. Alaıda, ornalasqan aımaqtyń yńǵaısyzdyǵy men ınfraqurylymynyń nasharlyǵy saldarynan 80-jyldary qaıta quldyraı bastaǵan.
⠀
Qazir qala óziniń úlken aýmaǵyna qaramastan, turǵyndarynyń sany az (40 myńnan asa) qala ortalyǵy bolyp esepteledi. Qaladaǵy basty problemalardyń biri kólik máselesine qatysty. 2012 jylǵa deıin bir ǵana Arqalyq-Esik baǵytyndaǵy temir jol butaǵy jumys istep turǵan.  Sondyqtan 2012-2014 jyldary ońtústik baǵytta júretin taǵy eki temirjol butaǵy salynyp, jaǵdaı birshama túzelgen.

Derekkóz: bilimland.kz 

Usynǵan: Maqpal Sembaı