Vılnústiń aımaqtyq soty 1991 jylǵy 13 qańtarda el astanasynda oryn alǵan oqıǵaǵa qatysty tergeý jumystaryn aıaqtady. Óıtip sot  úkimimen SSRO-nyń burynǵy Qorǵanys mınıstri, Keńes Odaǵynyń sońǵy marshaly Dmıtrıı Iazovty on jylǵa sottaldy.

Sondaı-aq Keńes Odaǵynyń burynǵy ofıseri, «Álfa» tobynyń eks-komandıri jáne zapastaǵy polkovnık Mıhaıl Golovatov  12 jyldyq jazasyn aldy. Biraq ekeýi de Reseıde turatyndyqtan olarǵa úkim syrttaı shyǵaryldy.

Aıta keteıik, 1990 jyldyń 11 naýryzy kúni Lıtvanyń Joǵary keńesi óziniń táýelsizdigin qalpyna keltirý týraly qaýlyny jarıa etkeni belgili. Alaıda resmı Máskeý muny qabyl almady. Eki jaqty tartys keler jylǵa deıin órbidi. 1991 jyldyń qańtar aıynda Lıtvada qarsylyq aksıasy kúsheıdi. Osyǵan baılanysty 13 qańtarda elge resmı Máskeý ásker kirgizdi. Mine odan beri 28 jyl ýaqyt ótse de, sot, tergeý jumystary áli jalǵasyp jatyr. 2016 jyly qarqyn alǵan sotqa, sóıtip úsh jyldan keıin núkte qoıyldy. Sot Lıtvadaǵy áskerı arnaýly qurylymdyq kúshti basqarǵan Gennadıı Ivanov pen Iýrıı Meldi  4 jáne 7 jylǵa kesti. Ol ekeýi birneshe jyldan beri Lıtvanyń tergeý ızolátorynda qamalyp otyr. Áskerılermen qaqtyǵystyń saldarynan 14 adam qaza taýyp, 600 adam jaraqat alǵany belgili.

Lıtva prokýratýrasy «qaza tapqan adamdardy keńes sarbazdary óltirdi» dep otyr, biraq qandaı da bir naqty dáleldemeleri joq. Sóıtip úsh jylǵa sozylǵan tergeý isine aqyry núkte qoıyldy. Biraq SSRO-nyń burynǵy Qorǵanys mınıstri Dmıtrıı Iazov muny shybyn shyqqan qurly kórip otyrǵan joq. Óıtkeni ol eshkimniń qoly jete bermeıtin Máskeýde, úıinde otyr.