Seniń bar-joǵyńdy esh sezbeıtin adamǵa yntyq bolý bir azap... Onyń júregi qulyptalǵan esik sıaqty... Esikti qaǵa-qaǵa sharshaısyń... Aıǵaılaısyń, suranasyń, jalynasyń... Estıtiniń tek tynyshtyq. Ýaqyt óte kele saǵan bul esik ashylmaıtynyn túsinesiń. Ol esiktiń ar jaǵynda saǵan oryn joq. Ketpekke bel baılaısyń. Aqyryn basyp baspaldaqqa jaqyndaısyń. Baspaldaqqa, bálkim jańa ómirge bastar baspaldaq pa eken? Múmkin ol jaqta basqa esik ashylar. Mindetti túrde! Tómen qaraı sylbyr basyp júre bastaǵanyń sol edi, artyńdaǵy esik syqyr etip ashylǵanyn estısiń. Jalt burylasyń. Burylasyń da jalma-jan artqa júgiresiń. Esiktiń ar jaǵynan tógilgen jaryq ózine shaqyryp turǵandaı. Úmit syılaǵan jaryq!

Biraq seniń aldyńda basqa bireýdiń kóleńkesi kólbeńdep, ashyq esikke kirip ketedi. Sen jete bergende esik tars jabylady. Ne bolǵanyn túsine almaı áleksiń... Qaıtadan sol esikti qaǵasyń. Tym-tyrys. Al jaýaby op-ońaı – esik saǵan ashylmaıdy. Osylaı ondaǵan, júzdegen ret... Al sen sol esiktiń túbinde shoqıyp otyrǵanyń... Túk bitirmeı... Ketem degenińdi umyttyń... 

– Ketem degen soń sheshimdi ózgertpe. Jańa álemge, jańa úmitke esik ash! Artyńa qarama! Qarasań qal deıtin bir sebep taýyp alasyń. Ýaqyt óltiresiń. Sen janyńnyń teńizine beıtanystardy túsiresiń, al olar júze almaıdy... Batyp bara jatyp seni kinálaıdy. 

Arsenıı Mıhaılov
Aýdarǵan: Shynar Ábildá

Usynǵan: Maqpal Sembaı