Kúni keshe ǵana  taǵaıyndalǵan jańa memleket basshysy Qasym-Jamart Toqaevtyń usynysy boıynsha,  Almaty oblysynyń ortalyq qalasynyń basty kóshesine Qazaqstannyń tuńǵysh prezıdenti, «Halyq qaharmany» ataǵynyń ıegeri  Nursultan Nazarbaevtyń esimi berildi, dep habarlaıdy óńirlik komýnıkasıalar qyzmeti.

Taldyqorǵan qalasynyń eń uzyn ári basty kóshesi buryn "Táýelsizdik " dep atalǵan. Onyń jalpy uzyndyǵy 6,8 km, eni 16-18 m.  Kóshe   qalanyń bir shetinen ekinshi shetine deıin jalǵasady. Onyń boıynda qalanyń eń kórikti nysandarymen tarıhı eskerkishteri ornalasqan.

Atap aıtar bolsaq, qazaq bılerine arnalǵan «Úsh ata» eskertkishi, qazaqtyń belgili aqyn-jazýshysy Ǵalı Ormanovtyń bústi, qazaq batyry Qarakereı Qabanbaıdyń eskertkishi jáne taǵy da basqa erketkishter. Al eń kórikti nysandary: Ortalyq saıabaq, «akvapark» demalys orny, İ.Jansúgirov atyndaǵy ýnıversıtet, 5 kolej, 2 orta mektep, ortalyq alań, mádenıet saraıy, murajaı jáne t.b.