Pedıatrıa jáne balalar hırýrgıasy ǵylymı ortalyǵynyń mamandary týa bitti isikti alý boıynsha jańa týǵan nárestege kúrdeli ota jasady, dep habarlady «Pedıatrıa jáne balalar hırýrgıasy ǵylymı ortalyǵynyń» baspasóz qyzmeti Qamshy.kz aqparat agenttigine.

Segizkóz-quıymshaq teratomasynyń alyp isigi jatyr ishinde 19 aptalyq kezde anyqtalǵan. Sondyqtan, sábı dúnıege kele salysymyn perzenthanadan Pedıatrıa jáne balalar hırýrgıasy ǵylymı ortalyǵyna jetkizildi. 

3818 gr. salmaqtaǵy jańa týǵan nárestege hırýrgıalyq ota, týǵan ýaqytynan keıin 3 kúni jasaldy. Oǵan deıin sábıdiń densaýlyǵyna baılanysty arnaıy emdik-daıyndyq qajet etildi. Kúrdeli ota  3 saǵatqa jalǵasty. Sátti ótti. Otany Pedıatrıa ortalyǵynyń bilikti dárigeri,    hırýrg-neonatolog Lıtosh Vladımırdiń jetekshiligimen ózi isiniń bilgir mamandarynan quralǵan komanda jasady.

Kishkentaı pasıent otadan keıingi 3 kúni reanımasıa bóliminen neonatologıa bólimine palataǵa anasynyń janyna aýystyryldy. 

Bul jaǵdaıdyń kúrdeliligi kólemi úlken isiktiń jatyr ishinde qarqyndy ósip, bosandyryp alý jáne isiktiń ózin alyp tastaý kezinde qıyndyqtar týdyrýynda boldy. Sondaı-aq isikte teriniń erozıaǵa ushyraǵan jerleri de bolyp, tik ishekti qysyp jáne qan tamyrlarynan qannyń joǵary deńgeıde júrýine baılanysty belsendi soǵýy qannyń kóp ketý táýekelin týǵyzdy. İsiktiń jalpy salmaǵy 1028 gr. qurady.

Qazirgi ýaqytta náresteniń jaǵdaıy turaqty, anasymen birge palatada. Sábıdiń tezirek saýyǵyp ketýin tileımiz!

Usynǵan: Nazerke Labıhan