Parıj qalasyndaǵy Qudaı-Ana ǵıbadathanasynyń ornyna meshit salynýy múmkin dep habarlaıdy Qamshy.kz aqparat agenttigi.

Fransıa astanasynyń ákimdigi Parıjdegi Qudaı-Ana ǵıbadathanasynda bolǵan órtke qatysty málimdeme jasady. Eger dinı nysan qalypqa kelmeıtindeı  dárejede órtengen bolsa, onyń ornyna meshit salynýy múmkin dep habarlady bılik basyndaǵylar.

Málimdemede jańa nysan Parıjdegi hrıstıandar men musylmandar arasyndaǵy "baılanysty nyǵaıtýǵa" sebep bolyp, "konfesıa arasyndaǵy qatelikti túzeýge" azdap bolsa da kómegi tıedi delingen.  Búginde qalada shirkeý sany meshitke qaraǵanda birneshe ese kóp. 

«Parıj ákimdiginiń 2024 jylǵa daıyndaǵan meshit salýǵa qatysty bas jospary jaǵdaıdy birshama jaqsartady. Hrıstıan shirkeýleriniń, oǵan qosa, basqa dinı aǵymdardy qosqanda, meshitten basqa dinı nysandardyń sany báribir tym kóp. Bul jaǵdaıdy Qudaıdyń eskertýi, ádildikti ornatýǵa berilgen keremet múmkindik dep baǵalaýǵa bolady.

Parıj Qudaı-Ana ǵıbadathanasynyń ornyna salynatyn meshit burynǵy eski nysanǵa qaraǵanda kólemdi, kóztartarlyq bolýy ábden múmkin. Týrızm týraly aıtar bolsaq, meshit kóptegen saıahatshylardyń nazaryn aýdaratynyna senimdimin», — dedi ákimdiktiń baspasóz hatshysy Ýmar al-Halıl.

Bul málimdeme tym ońshyl fransýz saıasatkerleriniń synyna qaldy. Keıbireýi bul jaıtty egjeı-tegjeı tekserýdi usyndy. Sebebi, joǵarydaǵy málimdeme órtten keıin bir saǵattan soń jarıalanǵan.

Biraq soǵan qaramastan, Fransıa Mádenıet mınıstrligi Parıj ákimdiginiń málimdemesin qoldap, jaqynda jańa nysanǵa laıyqty joba baıqaýyna qatysty sheshim qabyldaıtynyn aıtty. 

Usynǵan: Maqpal Sembaı