Búgin, 2019 jylǵy 23 sáýir kúni «Nur Otan» partıasynyń kezekten tys ótken HİH sezinde, partıa Qazaqstan Respýblıkasynyń Prezıdenttigine Qasym-Jomart Kemelulynyń kandıdatýrasyn usyndy.

Bul, kóptiń kókeıinde júrgen sheshim boldy. Qasym-Jomart Toqaev Memleket Basshysy laýazymyna eń laıyqty kandıdat dep sanaımyn.

Búgingi kúnge deıin el júgin abyroımen arqalaǵan Elbasy – Nursultan Nazarbaev, óziniń uzaq merzimdi strategıalarymen, baǵdarlamalarymen el bolashaǵyn baıandy, keleshegin kemel etýge negizdelgen damý kartasyn jasap berdi.

Mine, osy jobalardy tereń túsinetin, iske asyratyn birden-bir laıyqty tulǵa – Qasym-Jomart Kemeluly Toqaev. Ol kisi memlekettik qyzmettiń túrli salasynda júrip ótken jolynda, adal qyzmetinde óziniń tereń bilimi men tájirıbesin kórsete bildi. İsker azamat ekendigin dáleldedi. Sondyqtan, halyqtyń basym kópshiligi ol kisini el úshin eńbek etken qaıratker retinde tanıdy jáne qurmetteıdi.

Al, qoryta aıtqanda osy kúngi aýyzbirshiligimiz, turaqtylyǵymyz ben qaryshtaı damýymyz Táýelsizdiktiń arqasy. Bul bizdiń aýyzymyz aqqa tıgen ýaqyt. Aldaǵy ýaqytta da osyndaı elim deıtin erler barda, el halqy ıgilikke jetken zaman bolsyn dep tileımin.

Aıagúl Tóreqyzy Mırazova                                                                                                  

                                 Qazaqstannyń Eńbek Eri,                                                                                  

«Altyn juldyz», «Otan» ordenderiniń ıegeri                                                                                

 Qazaqstanǵa eńbegi sińgen qyzmetker,

Almaty qalasynyń,

Jambyl oblysynyń,

Jýaly aýdanynyń

Qurmetti azamaty