Birneshe tynys belgiden jibergen qatelerine qaramastan, úmitker óziniń memlekettik tildi erkin meńgergenin kórsete alǵan. Bul týraly lıngvısıkalyq komısıanyń múshesi Esim Ǵarıfolla málimdedi.

Qazaqstan Respýblıkasynyń prezıdenttigine "Uly Dala Qyrandary" qoǵamdyq uıymynyń atynan usynylǵan úmitker Sádibek Túgel memlekettik tildi meńgerý dárejesin anyqtaıtyn emtıhandy sátti tapsyryp shyqty.

"Lıngvısıkalyq komısıa Sádibek Túgeldiń memlekettik tildi erkin meńgeretinin rastady", - dedi Esim Ǵarıfolla.

Onyń aıtýynsha, prezıdenttikke úmitker azamat birqatar pýnktýasıalyq qateler jibergen.

"Úmitkerge úsh tapsyrma berildi: eki betten aspaıtyn shyǵarma jazý, mátin oqý jáne berilgen taqyryp boıynsha sóıleý. Pýnktýasıa boıynsha bólek eskertpeler boldy. biraq ol mátin oqý barysynda qazaq tilin erkin meńgergenin dáleldedi. Sheshen sóıleý tapsyrmasynan da tosylǵan joq. Úmitkerdiń sóz saptaý máneri kóńil kónshiterlikteı", - dedi komısıa múshesi.

Prezıdenttikke úmitker azamattarǵa qoıylatyn eń alǵashqy talap – qazaq tilin erkin meńgerýi. Kúni keshe bul synnan bas partıanyń atynan usynylǵan úmitker Qasym-Jomart Toqaev ta ótken edi. Onyń kórsetkishteri júz paıyzdy kórsetti.

Sádibek Túgel úmitker retinde OSK-na qujattaryn alǵash bolyp tapsyrdy. Onyń kandıdatýrasyn "Uly Dala Qyrandary" qoǵamdyq uıymy usynǵan edi.  

Usynǵan: Ádilet Mádenıet