Jazýshy, áıgili «Taqtar oıynyna» arqaý bolǵan «Muz ben jalynnyń áni» romanynyń avtory Djordj Martın, áıgili shoýdyń áli de jalǵasy bolatynyn (úsh spın-off) málimdedi dep habarlaıdy Qamshy.kz aqparat agenttigi vm.ru saıtyna silteme jasap.

Avtor, qazirgi tańda kınotýyndynyń jalǵasyna negizdelgen bes joba qarastyrylyp jatqanyn atap ótti. Alaıda Martın ishindegi úsheýine erekshe mán berip otyr. Óıtkeni ol nusqalardyń jumysy jaqsy júrip jatqan kórinedi.

Jazýshy óziniń resmı saıtynda kınotýyndynyń jalǵasy týraly tolyǵyraq jazǵysy kelmegen. Martın áıgili roman men serıaldyń jankúıerlerine «Ot pen qan» týyndysyn alyp, ózderiniń jeke boljamdaryn jasaýdy usynǵan.

Jobanyń biri qyzý daıyndyq ústinde. Oǵan «Uzaq tún» degen ataý berilgen. Spın-offtyń oqıǵa jelisi áıgili serıalda kórsetilgen oqıǵalardan burynǵy tarıhty baıandaıtyn bolady.

Sonymen qatar, Djordj Martın jobanyń alǵashqy jalǵasy 2019 jyldyń sońynda bastalýy múmkin ekenin atap ótti. Kınotýyndynyń rejıseri S.Dj.Klarkson bolmaq. Ol «Dekster» jáne «Doktor Haýs» serıaldarymen tanymal rejıser. Jalǵasy bolatyn basqa jobalar týraly tolyq málimet ázirge aıtylmaıdy.

Esterińizge sala ketsek, qazirgi tańda «Taqtar oıyny» serıalynyń sońǵy maýsymy kórsetilip jatyr. Áıgili serıaldyń alǵashqy maýsymy 2011 jyly qalyń kórermenge jol tartqan bolatyn.

Usynǵan: Marjan Sábet