Elimizde «Anashym, biz úıdemiz» dep atalatyn joba kópbalaly otbasylarǵa arnalǵan áleýmettik telejoba bastalady dep habarlaıdy Qamshy.kz aqparat agenttigi kaztrk.kz saıtyna silteme jasap.

Bul týraly Aqparat jáne qoǵamdyq damý mınıstri Dáýren Abaev Ortalyq komýnıkasıalar qyzmetinde málimdedi.  Áleýmettik az qamtylǵan otbasylardy demeý maqsatynda jasalyp jatqan shara aıasynda mundaı otbasylardyń baspanalary kúrdeli jóndeýden ótkiziledi. Ol úshin aldymen irikteýden ótý kerek. Basty talaptary: mindetti túrde otbasy kóp balaly bolýy jáne jeke baspanasy bolýy tıis. Jáne irikteýge qatysý úshin otbasy týraly ádemi áńgime jazý kerek.

Dáýren Abaev,  QR Aqparat jáne qoǵamdyq damý mınıstri: "Jyl saıyn kópbalaly otbasylardy qoldaý maqsatynda kóptegen memlekettik baǵdarlamalar júzege asyrylýda. Aǵymdaǵy jyldyń ózinde ataýly áleýmettik kómekpen qatar 40 myń jaldamaly páter qurylysyna qatysty jańa is-sharalar qolǵa alyndy. Aqparat jáne qoǵamdyq damý mınıstrligi de kópbalaly otbasylarǵa baılanysty bastamalardy qoldaýǵa árdaıym daıyn" -dedi.

Oqı otyryńyz, ♦“Anashym, biz úıdemiz” baǵdarlamasyna qalaı qatysýǵa bolady?

Usynǵan: Maqpal Sembaı