"Balapan" telearnasynyń bir balapany kóz jumdy dep habarlaıdy Qamshy.kz aqparat agenttigi.

Bul týraly balalar jazýshysy, ádebıet synshysy Eldos Toqtarbaı óziniń feısbýktegi paraqshasynda jazdy.

"Aýyr qaza... Talantty bala edi... Ramazan aıynda duǵa etip edik... Orny tolmas ókinish... Qysqa ǵumyr... Ne degen aýyr edi... Alla aldynan jarylqasyn! Ata- anańa, týǵandaryńa sabyr bersin!" delingen jazbada.

Eske salsaq, osydan birneshe kún buryn áleýmettik jelidegi aǵa-apalary Qutjan Baǵlannyń apatqa túsip, aýyr hálde jatqanyn jazyp, halyqta duǵa tileıik degen jazbalar qaldyryp edi.

"Apat aıtyp kelmeıdi ǵoı... Eki kún buryn 13 jasar Qutjan Baǵlan Ǵalymbekuly esimdi balaqaı jol apatyna tústi.

Baǵlan Balapan arnasyndaǵy "Oılan, tap!", "Biz de bal bolǵanbyz", "Qýyr, qýyr, qýyrmash", "Durys-burys" baǵdarlamalaryn júrgizgen, talaby taýdaı talanty bala. Sondaı-aq, Qazaq radıosynda "Baldáýren" balalar baǵdarlamasyn júrgizdi.

Ózi velosportqa da qatysady. Sport sheberine úmitker. Osy sporttyń kezekti jattyǵýy barysynda sporttyq velosıpedpen jol jıeginde kele jatqanda, júk kóligimen soqtyǵysyp, óte aýyr jaraqat aldy. Qazir ómir men ólim arasynda, óte aýyr jaǵdaıda (komada) jatyr.

Qadirmendi aǵaıyn, Jaratýshy Alla Taǵaladan balanyń amandyǵyn tileıik. Oqyǵan namaz, Quranymyzda hám Taraýyq namazynda osy balanyń densaýlyǵyn duǵaǵa qossańyzdar. Qasıetti Ramazan aıyndaǵy duǵa-tilekterimiz qabyl bolsyn!" degen mátindegi jazbalardy kóptep taratyp, kúlli qazaq kishkentaı balaqaı úshin duǵa tilegen edi. 

Usynǵan: Maqpal Sembaı