Almaty oblysynda qoqys polıgony órtendi, dep habarlaıdy Qamshy.kz aqparat agenttigi zakon.kz saıtyna silteme jasap. Órt saldarynan Almatyny tútin basty.

Órt Qarasaı aýdany Áıteı aýyly mańyndaǵy qatty turmystyq qaldyqtar polıgonynda shyqqan. Bir gektar jer otqa oranǵan. Qoqystaǵy órt áli de sóndirilmegen, 12 saǵat boıy órtenip jatyr.

Osyǵan deıin órtti sýmen emes, topyraqpen óshirýge tyrysyp jatqany týraly habarlanǵan bolatyn. Óıtkeni órt sóndirý kólikteri qoqys órtenip jatqan oıyqqa túse almaǵan.

Ne sebepti órtenip jatqan polıgonǵa tikushaqtar tartylmaıdy degen saýalǵa Qazaqstan Respýblıkasy İshki İster mınıstrliginiń Tótenshe jaǵdaılar komıteti, atalǵan polıganǵa jaýapty "Kaz Waste Conversion" JSHS kompanıasy órtti óz kúshterimen sóndirýge nıetti dep jetkizgen. Sonymen qatar, Tótenshe jaǵdaılar komıteti mundaı polıgondarda órt sóndirýdiń ózindik tásilderi bar ekenin habarlady.

Alaıda, "Kaz Waste Conversion" JSHS eshqandaı málimdeme jasaǵan joq.

Usynǵan: Marjan Sábet