Elimizde kezekten tys prezıdent saılaýy belgilenip, saılaýaldy naýqandar bastalǵaly beri túrli mıtıńiler men bas kóterýler oryn alyp jatyr. "Shyndyqtan qasha almaısyń" ("Ot pravdy ne ýbejısh») dep urandatqandar endi bas qalada da boı kórsete bastady dep habarlaıdy Qamshy.kz aqparat agenttigi.

Sońǵy kezderi bos plakat ustaǵan nemese plakat ustaǵan keıip tanytqan azamattardy da ákimshilik jaýapkershilikke tartyp, olardyń saıası-azamattyq pozısıasy týraly suraq-jaýap júrgizip jatyr polısıa qyzmetkerleri.

Degenmen, dúbirli dúrmektiń dodasyna túsip ketkender aýyzdyq bermeı keledi. İri shaharlardaǵy el nazaryna ilinetin jerlerge bannerler ilip, áleýmettik jelidegi paraqshalarynda túrli jazbalar jarıalap degendeı, óz quqyn barynsha qorǵaıtyndaryn kórsetip baǵýda.

Osyndaı qoǵamdyq sharany uıymdastyrǵandardyń barlyǵy aldy 15 táýlikten merzim alyp, arty "Usaq buzaqylyq" baby boıynsha zań buzǵan bolyp eseptelip, aıyppul arqalaýda.

Instagram jelisindegi rukh2k19 atty akkaýnt qoldanýshysy "Shyndyqtan qasha almaısyń" uranyn nasıhattaıtyn taǵy bir erekshe dúnıeni paraqshasyna júktedi.

 

 

 

Posmotret etý pýblıkasıý v Instagram

 

 

 

Pýblıkasıa ot ⚡️RUKH (@rukh2k19) 14 Maı 2019 v 6:06 PDT

Fotoǵa nazar salsaq, polısıa qyzmetkerleriniń de asfáltqa salynǵan graffıtı tıptes sýretke ne shara qoldanaryn bilmeı, ári-sári kúıge túsip turǵanyn baıqaýǵa bolady. Degenmen, bul fakti arqyly jazalanyp jatqandar týraly eshqandaı aqparat jarıa bolǵan joq.

Eger daǵdy baǵzy qalypta bolsa, kóp uzamaı "jaǵymdy" jańalyqtar estip qalarmyz. Ázirge – osy.