AQSH prezıdenti Donald Tramp polısıa qyzmetkerlerin jazym etken jaýyzdardy ólim jazasyna kesýdi usyndy dep habarlaıdy Qamshy.kz aqparat agenttigi RIA Novostı saıtyna silteme jasap.

Prezıdent bul týraly qyzmettik mindetterin oryndaý barysynda qaza tapqan polısıa qyzmetkerlerin eske alý keshinde aıtqan.

Sonymen qatar, tártip saqshylaryna jasalatyn shabýyldardy azaıtý úshin, polısıa qyzmetkerlerin óltirgen qylmyskerlerdi "jedel" túrde ólim jazasyna kesýdi usyndy.

"Polısıa qyzmetkerlerin óltirgen qylmyskerler sot sheshimimen jedel túrde ólim jazasyna kesilýi kerek. Sot prosesi ádil ári, jyldam ótýi qajet",-dedi prezıdent óz sózinde.

Esterińizge sala keteıik, Tramp Pıttsbýrgdegi qandy oqıǵadan keıin, eldegi ólim jazasy týraly týraly zańdy qatańdandyrýdy usynǵan bolatyn. 2018 jyly Pıttsbýrgde sınogoga ǵımaratyna basa-kóktep kirgen qylmysker qulshylyq etip otyrǵan 11 adamdy óltirgen, onyń ishinde 4 polıseı qaza tapqany belgili. 

Aýdarǵan: Dáýren Sybanbaı