Almaty, Nur-Sultan sıaqty iri qalalarda jáne shetelde elimizdegi kezekten tys saılaýǵa qatysty qarsylyq sharalary uıymdastyrylyp, birqatar azamattar ákimshilik jaýapkershilikke tartyldy. Osyndaı sharalardyń uıymdastyrylýy men qatysýshylarynyń jazalanýy týraly birqatar depýtattar pikir bildirdi dep habarlaıdy Qamshy.kz aqparat agenttigi Azattyq radıosyna silteme jasap. 

Danıa Espaeva, Májilis depýtaty, "Aq Jol" partıasy usynǵan prezıdenttikke úmitker

"Bul týraly bizder endi tek aqparattan bilemiz ǵoı. Qazir bizdiń zańgerler bul jaǵdaıdy qarap jatyr. Eki-úsh kún kóleminde pikir bildirip qalar. Al meniń jeke pikirim – mundaı jaǵdaılardy naqtylap qaraý kerek".

Taras Hıtýov, Májilis depýtaty

"Olar eshkimdi qorlaǵan joq, zorlaǵan joq, óltirgen joq. Múmkin, olar durys jasamaǵan shyǵar. Olarǵa túsindirý kerek, jetkizý kerek. Mundaı dúnıeler tek ruqsatpen bolý kerek. Eger ruqsat alsa, onda olardyń betinen qaǵar eshkim bolmasy anyq. Ruqsat bermese, tártip buzbaý kerek".

Darhan Myńbaı, Májilis depýtaty

"Sot sheshimi shyqqan ba? Eger shyqpasa, suraqty solarǵa qoıyńyzdar. Sot sheshimi bolmasa, men aıtar edim".

Gennadıı Shıpovskıh, Májilis depýtaty

"Biz bul jaǵdaıdyń basy-qasynda bolmaǵannan keıin eshteńe aıta almaımyz. Solaı. Biraq endi búgingi tańda qoǵam birigýi kerek. Birikkende de durys jol salýymyz kerek. Eshqandaı provokasıalarǵa jol bermeýimiz shart".

Irına Smırnova, Májilis depýtaty

"Men qazir bul taqyrypty qozǵaýǵa tilim barmaıdy. Óıtkeni, barlyǵyn sot sheshti ǵoı. Biraq azamat retinde bul sózdi árbir adamnyń aıtýǵa quqyǵy bar. "Ot pravdy ne ýbejısh", "Shyndyqtan qasha almaısyń".

Bir-biriniń aýyzyna túkirip qoıǵandaı "Men eshteńe aıta almaımyn" dep aqtaldy bári, túge.

Daıyndaǵan: Ádilet Mádenıet