QR ishki ister mınıstri Erlan Turǵymbaev el prezıdenti Qasym-Jomart Toqaevtan Atyraý oblysy polısıa departamenti basshysy Aıan Dúısembaevty qyzmetten bosatýdy surady dep jazady Qamshy.kz aqparat agenttigi tengrinews.kz saıtyna silteme jasap.

"İshki ister mınıstriniń orynbasary Alekseı Kalaıchıdı bastaǵan komısıa Atyraý oblysyna baryp, daýly máseleni tekserdi. Komısıa Dúısembaevtyń qyzmet etıkasyn buzǵanyn anyqtady",- dep málimdedi İİM baspasóz qyzmeti.

Esterińizge sala keteıik, Atyraý oblysy polısıa departamentiniń basshysy Aıan Dúısembaevqa uqsaıtyn adamǵa bir top jurt qoshemetpen jylqy mingizip jatqan vıdeo jelide taraǵan bolatyn. İshki ister mınıstrligi bul vıdeodaǵy adam Aıan Dúısembaev ekenin aıtyp, onyń ústinen qyzmettik tekseris bastalǵanyn habarlaǵan.

Al Qazaqstannyń qazirgi prezıdenti Qasym-Jomart Toqaev ózine syılanǵan atqa minip, kópshiliktiń synyna qalǵan polısıa departamentiniń basshysy qatań jazalanady dep málimdegen.