Kezekten tys prezıdent saılaýy jarıalanyp, saılaýaldy úgit-nasıhat naýqany bastalǵaly beri ár kandıdat óziniń usynysyn halyqqa pash etip, ony nasıhattap baǵýda. Osy rette Qamshy.kz aqparat agenttigi qazirgi bılikke qarsy shyǵyp, memleketti basqarýdy dámetip otyrǵan úmitkerlerdiń saılaýaldy baǵdarlamalarynda neni umyt qaldyrǵanyn atap kórsetýge tyrysty.

Ámirjan Qosanov 2 mańyzdy suraqty attap ótti. Olar - qoǵamdyq saıasat jáne jastar saıasaty.

Sádibek Túgel de óz baǵdarlamasynda mańyzdy qos máseleni umyt qaldyrǵan. Ekologıa jáne ishki saıasat syndy iri taqyryptar úmitker jýrnalısiń baǵdarlamasyna ilinbeı qaldy.

Al Jambyl Ahmetbek ekologıa, azamattar quqyǵy jáne jastar saıasaty syndy máseleli suraqtardy aınalyp ótipti.

Úsh máseleni umyt qaldyrǵan úmitkerler qatarynda Amangeldi Taspıhov ta bar. Onyń saılaýaldy baǵdarlamasynda ekologıa, jastar saıasaty jáne ishki saıasat týraly naqty qadamdar atalmaǵan.

Tóleýtaı Rahymbekov ózge básekelesterinen asyp tústi. Bul kandıdat ekologıa, azamattar quqyǵy, ishki saıasat jáne sybaılas jemqorlyqpen kúres syndy taqyryptarmen alystan "syılasqan".

Keleli máselelerdi saılaýaldy baǵdarlamasyna engizýdi umyt qaldyrǵandar kóshin Danıa Espaeva bastap tur. Ol óz baǵdarlamasyna ekologıa, azamattar quqyǵy, ishki saıasat, qoǵamdyq saıasat jáne jastar saıasaty týrasyndaǵy máselelerge qatysty eshqandaı usynys engizbegen.