Kezekten tys prezıdent saılaýyna qatysyp jatqan jeti kandıdattyń biri – Sádibek Túgel týraly tyń aqparattardyń az ekeni ras. "Ultym" dep alǵa umtylyp júrgen azamattyń birqatar kólemdi jobalary týraly bireý biledi, bireý bilmeıdi. Azamat osyndaı bir jobasyn júzege asyrý barysynda jıǵan-tergen múlkin lombardqa ótkizgen dep jazady Qamshy.kz aqparat agenttigi.

Bul týraly Sádibek Túgeldiń jary Qaınıkamal Túgel-kelininiń qalamynan týǵan "Dodada topty jarǵan Azamatym!" atty kitabynda jazylǵan.

"Bir-aq mysal keltireıin: - "Qulagerge eskertkish salý barysynda qarajattyń joqtyǵynan sen óte qatty qınaldyń, tyǵyryqqa tap boldyń. Uıqysyz túnder men júrek aýyrǵandy bastan keshirdiń. Sonda, tyǵyryqtan shyǵý úshin jáne el aldyndaǵy ýádeni buljytpaı oryndaý maqsatynda "Lombardqa" dúnıe-múlkińdi saldyń. Nartáýekelge bardyń, tyńnan jol saldyń, nátıjesinde jeńiske jettiń. Seniń bul erligińdi tek men ǵana emes, qalyń qazaq bilip, qoldap otyr dep aıta alamyn", - deıdi kandıdattyń jary óz shyǵarmasynda.

Eske sala keteıik, 9-maýsymda ótetin kezekten tys prezıdent saılaýyna Sádibek Túgel "Uly dala qyrandary" qozǵalysynan usynylǵan edi. Qazir "kandıdat qatarly" úgit-nasıhat naýqanynda jumys jasaýda.

Daıyndaǵan: Ádilet Mádenıet