Búdjet tapshylyǵy men teńgeniń quldyraýy syrtqy qaryzymyzdy arttyryp jiberdi. Byltyr shetelge memlekettik bereshegimiz 1 trıllıon 883 mıllıard teńgege kóbeıgen dep habarlaıdy Qamshy.kz aqparat agenttigi ktk.kz saıtyna silteme jasap.

Qarjy mınıstrligi qazirgi shetelge bereshegimizdiń 15 trıllıon 387 mıllıard teńgeni quraǵanyn habarlady. Oǵan Úkimet pen Ulttyq banktiń jáne jergilikti ákimdikterdiń qaryzdary kiredi. Degenmen Qarjy mınıstri "qorqatyn eshteńe joq" deıdi. Óıtkeni memlekettik qaryz İshki jalpy ónimge shaqqanda 60 paıyzǵa deıin ruqsat etilgen. Al qazirgi kórsetkish 26 paıyzǵa jýyq. Biraq naqty qaı elge bereshek ekenimiz aıtylmady. Jalpy syrtqy qaryzymyz, ıaǵnı, jekemenshik bankterdi qosa alǵanda 57 mıllıard 700 mıllıon dollardy qurap otyr. Ol 5 jarym mıllıard dollarǵa azaıǵan.

"Kvazımemlekettik sektordyń syrtqy boryshynyń shekti kólemi bekitildi. 2018 jyldyń qorytyndysy boıynsha kvazımemlekettik sektordyń syrtqy qaryzy 2017 jyldyń kórsetkishinen 5,1 mıllıard dollarǵa azaıyp, 19,7 mıllıard dollardy qurady",- dedi  Qarjy mınıstri  Álıhan Smaıylov.

Usynǵan: Dáýren Sybanbaı