Oleg Láshko prezıdentpen ótken jabyq jıynnan Facebook-ke tikeleı translásıa qosqany úshin oqqaǵarlardan eskertý aldy. Biraq telefondy sóndirýge kelispegen depýtatty esik syrtyna shyǵaryp jiberdi dep jazady Qamshy.kz aqparat agenttigi Laıf saıtyna silteme jasap.

Prezıdent ákimshiliginiń ǵımaratynda Láshko ózimen birge smartfonyn alyp ketip, Facebook-ke tikeleı translásıa qosty. Osylaı kórermender jıynǵa kim kelgenin, Zelenskıı kabınetiniń qandaı ekenin kóre aldy.

Zelenskııdi kóre salysymen Láshko ózin birtúrli ustady. Prezıdent depýtattan Radany taratqany týraly suraǵanda Láshko uzaq ýaqyt Zelenskııdiń qolyn jibermeı, úndemeı turǵan.

Ári qaraı, fraksıa basshylaryn kabınetke shaqyra bastady. Oqqaǵarlar jıyn jabyq bolǵasyn, Láshkoǵa telefondy sóndirýge suraǵan. Biraq radıkaldar partıasynyń jetekshisi Zelenskııge ”halyqtan korrýpsıany jasyrmańyz” dep aıqaılaı bastady. Oqqaǵarlar shuǵyl túrde depýtatty syrtqa shyǵaryp, esikti jaýyp aldy. Jıyn qýylǵan Láshkosyz óte berdi.

Esterińizge sala keteıik, Zelenskıı óziniń ulyqtaý rásiminde Joǵary Radany taratyp jiberdi. Oǵan qosa Zelenskıı Qaýipsizdik qyzmetiniń basshysy, Ýkraınanyń Bas prokýrory, Qorǵanys mınıstrin jumystan bosatýdy tapsyrǵan.

 Aýdarǵan: Ildar Adılchenov