Burynǵy dosent, qazirgi ýaqytta Qosanovtyń qoldaýshysy bolyp júrgen Serik Abıshov halyqqa óziniń ókpe - nazyn aıtty. Bul jaıly ol óziniń áleýmettik jelisine salǵan paraqshasynda jarıalady dep habarlaıdy Qamshy.kz aqparat agenttigi. 

Mátinin «Ámirjan Qosanovty qoldaý, kómek berý, saılaý, baqylaýshy týraly»,- dep bastaǵan Abıshov aýdarylǵan qarajattar jaıynda tolyq biletinin aıta ketti.

«Búgin úmitkerlerdiń resmı túrde shottaryna qaıyrymdylyq kómek retinde aýdarylǵan qarajat týraly aqparatpen tanystym. Birge saraptaıyq: osy kúnge deıin Toqaevka 514 mıllıon tenge aýdarylǵan, al Espaeva hanymǵa 112 mıllıon tenge, qysqasy Rahımbekovtan basqasy (oǵan 0 tenge) bárine mıllıondaǵan qarajat aýdarylǵan (árıne nasıhattary da qarajatqa sáıkes júrgizilýde). Al halyq úmitkeri Ámirjan Qosanovqa jalpy 643000 tenge qaıyrymdylyq kómek retinde halyqtan qarajat túsken.»,- degen renishin bildiredi Serik myrza.

Ol alda kele jatqan saılaý naýqanyna úmitker Ámirjan Qosanovty jaqtaǵany sonsha, el ishindegi qaýesetten aqtap alǵysy kelip bylaı dedi:

«Ámirjan Qosanov prezıdenttik báıgege shyqqanda keıbir adamdar ony "bıliktiń kisisi" degen aqparat taratty, saılaýǵa boıkot jarıalaǵan, áli de sol pikirdegi adamdar kóp. Eger Ámirjan Qosanov sondaı bolsa, onda  úkimet, bıliktegiler nege kómektespeıdi? Agıtatsıa barysynda ony artqa tartady, naýqannan qulatqysy keledi, kánekı endi boıkochıkter óz oılaryńyzdy pikirlerińizdi aıtyńyzdar»,- degen bolatyn.

Esterińizge sala keteıik, saılaýǵa qatysý jumystaryna kóp qarajat kerek ekenin Qosanovtyń ózi de aıtqan belgili.

Oqı otyryńyz: Qosanovtyń saılaý shtaby qoldaýshylaryna qatań eskertý jasady

Daıyndaǵan: Bek Baıtas