Jambyl oblysy Qumshaǵal aýylynyń turǵyndary shaǵal tas óndiretin kásiporyn aýmaǵynyń ashyq jatqanyna narazy dep habarlaıdy Qamshy.kz aqparat agenttigi KTK telearnasyna silteme jasap. 

Jurttyń aıtýynsha, qorshaýsyz ken orny «ajal apanyna» aınalǵan. Ashýly toptyń sózine sensek, tereń quzdan adam da, mal da qulap mertigip jatyr. Sondyqtan jurt qaýipsizdik úshin óndiris orny basshysynan bıik bekinis salýdy talap etedi. 

Aýyldyń bir qaptaly qazylǵan or. Osy mań el úshin qaýipti. Buqara, ásirese, balalar ómiri úshin alańdaıdy. Sebebi, oıyn balasy quzdan qulap ketýi múmkin. Aıtýlarynsha bul quzdan sońǵy 10 jylda 4 adam qulap qaza tapqan. Al, mal sanynda esep joq. Qurylysqa qajetti tas-shaǵal óndiretin kásiporyn basshylary bul máseleni biletin bolyp shyqty.

Shaǵal tas shyǵaratyn kásipornynyń aýmaǵy 72 gektar. Kompanıa basshylyǵy sonyń teń jartysyn ǵana qoldanamyz deıdi. Qalǵany qaraýsyz jatqan jer dep aqtaldy. Onyń ústine adam ólip, mal shyǵyny boldy degeni beker deıdi. Al qorshaýdy bastap, jarym jolda aıaqsyz qaldyrýyn qarjy tapshylyǵymen túsindiredi. Jaýaptylar isti tamyzǵa jetkizbeı tıanaqtaımyz dep ant sý ishti. 
Biraq turǵyndar bul ýádege senbeıdi. Condyqtan buqara bılikten jaǵdaıdy baqylaýda ustaýdy surap otyr.

Usynǵan: Marjan Sábet