Bolashaqta Ulttyq bankti Almatydan astanaǵa kóshirý josparda bar. Bul týraly Qamshy.kz aqparat agenttigi Ulttyq banktiń tóraǵasy Erbolat Dosaevqa silteme jasap habarlaıdy.

Búgin Májilistiń jalpy otyrysynda qarjy naryǵyn retteý men damytý jáne mıkroqarjylyq qyzmet máseleleri boıynsha ózgerister men tolyqtyrýlar engizý týraly zań jobasy qaraldy. Qujatta aıtylǵandaı, 2020 jyly qarjy naryǵyn retteý men damytý agenttigin quryp, ulttyq banktiń birqatar fýnksıasyn osy jańa organǵa berý kózdelip otyr.

Dosaev jańa agenttikti qurý ulttyq bankti qaıta uıymdastyrý arqyly júzege asatynyn atap ótti.

"Ulttyq banktiń birqatar fýnksıasy men ókilettikteri jańa agenttikke aýysady. Búgingi shtattan shamamen 500 adam osy agenttikke aýystyrylady", - dedi ol.

Onyń aıtýynsha, agenttik Almaty qalasynda bolady. Osy kezde Májilis spıkeri Nurlan Nyǵmatýlın "bolashaqta ulttyq bankti Nur-Sultan qalasyna kóshirý josparda bar ma?"degen suraq qoıdy.

"Ondaı josparymyz bar", - dedi Dosaev.

Ultyq bank sıaqty jańa agenttik te respýblıka prezıdentine tikeleı baǵynady jáne respýblıkalyq búdjet esebinen qarjylandyrylady.

Daıyndaǵan: Ildar Adılchenov