Bilim jáne ǵylym mınıstriniń buıryǵymen Anar Saıranqyzy Ábilqasova Qazaqstan Respýblıkasy Bilim jáne ǵylym mınıstrliginiń Ǵylym komıtetiniń tóraıymy bolyp taǵaıyndaldy, dep jazady Qamshy.kz aqparat agenttigi QR Premer-Mınıstriniń baspasóz qyzmetine silteme jasap.

A. Ábilqasova 1976 jyly Soltústik Qazaqstan oblysynda dúnıege kelgen. 1997 jyly Qaraǵandy memlekettik ýnıversıtetin «jýrnalıs» mamandyǵy boıynsha, 2000 jyly Ál-Farabı atyndaǵy Qazaq ulttyq ýnıversıtetin «jýrnalısıka magıstri» mamandyǵy boıynsha bitirgen.

Eńbek jolyn 1997 jyly E. Bóketov atyndaǵy Qaraǵandy memlekettik ýnıversıtetinde jýrnalısıka kafedrasynyń oqytýshysy retinde bastaǵan.

2000–2004 jj. — Soltústik Qazaqstan ýnıversıtetiniń oqytýshysy, aǵa oqytýshysy.

2004–2009 jj. — Ál-Farabı atyndaǵy Qazaq ulttyq ýnıversıtetiniń saıasattaný kafedrasynyń aǵa oqytýshysy, dosenti.

2009–2015 jyldary QR Qaýipsizdik Keńesiniń qurylymynda jumys istedi: Hatshylyq sarapshysy; Taldaý ortalyǵynyń sektor meńgerýshisi, konsýltanty; Sıtýasıalyq ortalyqtyń sektor meńgerýshisi qyzmetterin atqarǵan.

2015 jylǵy shildeden bastap qazirgi tańǵa deıin QR Qaýipsizdik Keńesiniń Taldaý bóliminiń sektor meńgerýshisi qyzmetin atqarǵan.

Usynǵan: Marjan Sábet